កំពង់ធំ ៖ មានករណីប្រើអំពើហឹង្សាដោយចេតនា បង្កឡើងដោយជនសង្ស័យម្នាក់ បែកថ្នាំ បានយកកាំបិតខ្វែង ដេញកាប់ជនរងគ្រោះពីរនាក់បណ្ដាលអោយរងរបួសធ្ងន់ កាលពីវេលាម៉ោង០៥និង៥៥នាទី ថ្ងៃទី៣១ សីហា ឆ្នាំ២០១៧ នៅចំណុចភូមិត្នោតជុំ ឃុំប្រាសាទ ស្រុកសន្ទុក ខេត្តកំពង់ធំ។
តាមប្រភពពត័មានពីសមត្ថកិច្ចបានអោយដឹងថា ជនសង្ស័យបែកថ្នាំម្នាក់ ឈ្មោះ តាប់ សុគន្ធា ហៅកុក ភេទប្រុស អាយុ៣២ឆ្នាំ នៅភូមិត្នោតជុំ ឃុំប្រាសាទ ស្រុកសន្ទុក បានយកកំបិតខ្វែង កាប់ទៅលើជនរងគ្រោះ២នាក់ បណ្តាលឲ្យរងរបួសធ្ងន់ ទី១,ឈ្មោះ អឿ សុគឿន ភេទស្រី អាយុ៥៦ឆ្នាំ នៅភូមិត្នោតជុំ ឃុំប្រាសាទ ស្រុកសន្ទុក ជាប្រធានមណ្ឌលសុខភាព ឃុំប្រាសាទ ហើយសម្រាក់ព្យាបាលនៅមណ្ឌលសុខភាពប្រាសាទ ទី២,ឈ្មោះ ថោង កេន ភេទស្រី អាយុ ៦៥ឆ្នាំ នៅភូមិត្នោតជុំ ឃុំប្រាសាទ ស្រុកសន្ទុក ជាប្រជាពលរដ្ឋបានបញ្ជូនទៅព្យាបាលនៅមន្ទីរពេទ្យត្រពាំងស្វាយ ។
លោកវរសេនីយ៍ត្រី ស្រី សំណាង មេបញ្ចាការកងរាជអាវុធហត្ថស្រុកសន្ទុក បានអោយដឹងថា ជនសង្ស័យ ត្រូវបានកម្លាំងនគរបាលចាប់ឃាត់ខ្លួន ដើម្បីកសាងសំនុំរឿងបញ្ជូនមកស្នងការខេត្តកំពង់ធំនៅព្រឹកថ្ងៃទី០១ កញ្ញា ឆ្នាំ២០១៧នេះហើយ៕
