អន្តរជាតិ ៖ ក្រុមប្រឹក្សាសន្តិសុខអង្គការសហប្រជាជាតិ បានកោះប្រជុំជាបន្ទាន់ នៅថ្ងៃទី២៩ ខែសីហា ឆ្នាំ២០១៧ ក្រោយពេលកូរ៉េខាងជើង បាញ់មីស៊ីលថ្មី ឆ្លងកាត់ប្រទេសជប៉ុន ដោយពុំញញើតពីការដាក់ទណ្ឌកម្មពីអន្តរជាតិ។សារព័ត៌មានញ៉ូវយ៉កថាមស៍បានផ្សាយថា រដ្ឋាភិបាល អាមេរិក ជប៉ុន និងកូរ៉េខាងត្បូង បានស្នើរដល់អង្គការសហប្រជាជាតិ កោះប្រជុំជាបន្ទាន់ ក្រោយកូរ៉េខាងជើង បាញ់មីស៊ីល កាលពីព្រឹកថ្ងៃទី២៩ខែសីហា ហើយមីស៊ីលនោះបានហោះហើរឆ្លងកាត់ប្រទេសជប៉ុន មុនពេលធ្លាក់ចូលមហាសមុទ្រ ។ នៅពេលនេះដែរ ក្រសួងការពារជាតិជប៉ុន កំពុងតែប្រមូលព័ត៌មាន ពាក់ព័ន្ធនិងការបាញ់មីស៊ីលខាងលើ។
ការបាញ់មីស៊ីលថ្មីនេះកើតឡើង ក្រោយរយៈពេល ៣ថ្ងៃដែលកូរ៉េខាងជើង បានបាញ់មីស៊ីលរយៈចម្ងាយខ្លី៣គ្រាប់ ចូលទៅសមុទ្រ ជប៉ុន ប៉ុន្តែការបាញ់នោះបរាជ័យ ។
មន្ត្រីយោធា របស់កូរ៉េខាងត្បូង មួយរូបបានបញ្ចាក់ថា កាំជ្រួចមីស៊ីលកូរ៉េខាងជើងបាញ់នៅវេលាម៉ោង៥និង៥៧នាទី(ម៉ោងក្នុងតំបន់)ដោយមីស៊ីលនោះហោះហើរបានប្រមាណ ២៧.០០គីឡូម៉ែត្រ និងកម្ពស់៥៥០គីឡូម៉ែត្រធ្លាក់ចូលសមុទ្រ។
ក្រុមអ្នកឯកទេសមីស៊ីល របស់អាមេរិក បានបញ្ចាក់ថា កាំជ្រួចមីស៊ីលថ្មីរបស់កូរ៉េខាងជើង ដែលបាញ់ ឆ្លងកាត់ប្រទេសជប៉ុននោះគឺសម្តៅទៅសេតវិមានរបស់អាមេរិកនិងជាការផ្ញើសារដ៏សំខាន់មួយ
ទៅកាន់ប្រធានាធបិតីអាមេរិកដូណាលត្រាំ។
មេដឹកនាំគីមជុងអ៊ុន បានចេញបញ្ចាដោយផ្ទាល់នៅក្នុងការបាញ់មីស៊ីលនាព្រឹកថ្ងៃទី២៩ខែសីហានេះ ដោយឆ្លងកាត់ ទីតាំងកោះ Hokkaido របស់ជប៉ុនធ្វើឲ្យរដ្ឋាភិបាលប្រកាសអាសន្នដល់ពលរដ្ឋ នៅទីនោះ។ កាំជ្រួចមីស៊ីលហោះបានរយៈពេល១៤នាទី ធ្លាក់ចម្ងាយពីកោះ ហុកកៃដូ របស់ជប៉ុន ១២០០គីឡូម៉ែត្រ ។
ក្រុមអ្នកឯកទេសបញ្ចាក់ថា កាំជ្រួចមីស៊ីលរបស់កូរ៉េខាងជើង ដែលទើបតែបាញ់មិនមែនជាការគំរាមកំហែងដល់ជប៉ុននោះឡើយ គឺ ជាការបង្ហាញ ពីអត្ថិពលអាវុធដល់រដ្ឋាភិបាលអាមេរិក ដឹកនាំដោយលោកដូណាលត្រាំ។
នៅពេលនេះដែរ មនុស្សជាច្រើននៅជុំវិញពិភពលោក បាន កំពុងតែ សម្លឹងទៅលើអាមេរិក ថាតើលោកត្រាំមានវិធានការយ៉ាងណាចំពោះ កូរ៉េខាង ឬ ក៏អាមេរិក គ្រាន់តែ«តោក្រដាស»ប៉ុណ្ណោះបានតែគំរាម និងដាក់ទណ្ឌកម្មប៉ុណ្ណោះ មិនហានធ្វើអ្វីប្រទេសដែលហានប្រឆាំងនិងអាមេរិកដោយបើកជំហរ។
ប្រទេសទាំងអស់នៅលើពិភពលោក ក្នុងនោះមានប្រទេស ដែលមានកម្លាំងយោខ្លាំងដូចរុស្ស៊ីនិងចិន ក៏មិនដែល គំរាមវាយប្រហារអាមេរិកនោះដែរ ។ ដោយឡែក កូរ៉េខាងជើង ជាប្រទេសក្រីក្រ មានអាវុធមិនខ្លាំង ដូចប្រទេសផ្សេងឡើយ ប៉ុន្តែ មិនដែលយកយលអាមេរិកម្តងណាឡើយ អាមេរិកកាន់តែ គំរាម កាន់តែដាក់ទណ្ឌកម្មកូរ៉េខាងជើងកាន់តែ ធ្វើខ្លាំងឡើង៕(ដកស្រង់)
