ខេត្តកំពង់ស្ពឺ ៖ ប្រភពពត័មានបានឲ្យដឹងថា រថយន្ថសាំយ៉ុងដឹកឈើ១គ្រឿង បំរុងលោតឆត្រ តែលោតមិនផុត ជាប់ដៃសមត្ថកិច្ចស្រុកឱរ៉ាល់តែម្តង។ ការបង្ក្រាបរថយន្ថដឹកឈើខាងលើនេះ ធ្វើឡើងនៅថ្ងៃទី២៧.០៨.២០១៧ វេលាម៉ោង ១១និង៣០នាទីថ្ងៃត្រង់ នៅចំណុចច្រកទៀក ឃុំត្រពាំងជោ ស្រុកឱរ៉ាល់ ខេត្តកំពង់ស្ពឺ។
កំលាំងកងរាជអាវុធហត្ថស្រុកឱរ៉ាល់សហការជាមួយខាងមន្ត្រីបរិស្ថានស្រុកឱរ៉ាល់ ដឹកនាំដោយលោក លឹម ឡាយឆុង ប្រធានតំបន់ដែនជំរកស្រុកឱរ៉ាល់ មានកំលាំងចំនួន៥នាក់ បានធ្វើការឃាត់រថយន្តដឹកឈើ១គ្រឿង ម៉ាកសាំយ៉ុងពណ៍ស ដែលមានស្លាកលេខ ភ្នំពេញ2Q:7750 មានម្ចាស់ឈ្មោះ សឿង ចន្ច័ ភេទប្រុស អាយុ៣២ឆ្នាំ មានទីលំនៅភូមិចាន់ពីង ឃុំត្រពាំងជោ ស្រុកឱរ៉ាល់ ខេត្តកំពង់ស្ពឺ។
ក្នុងការបង្ក្រាបរថយន្តដឹកឈើខាងលើនេះ កំលាំងសមត្ថកិច្ចបានដកហូតបានឈើចំនួន៥២កំណាត់ស្មើនិង១គីប៤ផ្លាន ជាប្រភេទឈើសុក្រម ដែលមានមុខកាត់12×12×120=10ដ 16x16x120=32ដ 30x12x70=8ដ 30x12x140=2ដ។ ក្រោយពីធ្វើការវាស់វែងរួចរថយន្តហើយនិងឈើត្រូវបានខាងមន្ត្រីបរិស្ថានយកមករក្សាទុកនៅក្នុងទីស្នាក់ការបរិស្ថានស្រុកឱរ៉ាល់ដើម្បីចាត់ការតាមនិតិវិធីច្បាប់។ ចំណែកម្ចាស់រថយន្តខាងសមត្ថកិច្ចជំនាញបានធ្វើកិច្ចសន្យាបញ្ឈប់សកម្មភាពដឹកឈើបន្តទៀត ហើយអោយត្រឡប់ទៅផ្ទះវិញ៕
