ខេត្តកំពង់ឆ្នាំង ៖ នគបាលប៉ុស្តិ៍រដ្ឋបាលស្វាយ ស្រុកសាមគ្គីមានជ័យធ្វើការស្ទាក់ចាប់បាន រថយន្ត១គ្រឿងម៉ាកសាំយ៉ុងពណ៏ទឹកប្រាក់ពាក់ស្លាកលេខ២A០១-៨៩-ព -ស វេលាម៉ោង៧-៣០នាទីព្រឹក កាលពីថ្ងៃទី២២ខែសីហា ឆ្នាំ២០១៧។
យោងទៅតាមប្រភពពីប្រជាពលរដ្ឋដែលមានទីលំនៅផ្សារត្រាចបានបង្ហើបប្រាប់ឱ្យដឹងថា ពួកគាត់បានសង្កេតឃើញនៅក្នុងការប្រម៉ាញ់ស្ទាក់ចាប់រថយន្តដឹកឈើប្រណិតខាងលើនេះ កំលាំងនគបាលប៉ុស្តិ៍រដ្ឋបាលស្វាយបានប្រើប្រាស់រថយន្ត២គ្រឿង។បន្ទាប់មកពួកគាត់បានឃើញរថយន្តម៉ាកការីគូទស្វិត១គ្រឿងពណ៏កណ្តុលប្រមេះបើកបរនាំមុខរថយន្តសាំយ៉ុងឆ្ពោះទៅដេប៉ូលក់ឈើមួយកន្លែង ដែលគេបានស្គាល់ប្តីឈ្មោះ សំ និងប្រព័ន្ធឈ្មោះ ផាត ស្ថិតនៅក្នុងភូមិខ្យាង ឃុំស្វាយ ស្រុកសាមគ្គីមានជ័យ ខេត្តកំពង់ឆ្នាំង រួចក៍បាន
លើកយកឈើចេញពីរថយន្តសាំយ៉ុង ហើយបានផ្ញើលាក់ទុកនៅទីនោះ។បន្តមកទៀតទើបបាននាំរថយន្តខាងលើត្រឡប់មកប៉ុស្តិ៍នគបាលរដ្ឋបាលស្វាយវិញ ប៉ុន្តែត្រូវបានរើយកឈើចេញពីរថយន្តម្តងទៀត មួយសន្ទុះក្រោយមក ក៍បាននាំយករថយន្តដឹកឈីនោះទៅធ្វើការផ្ទេរប្រគល់ឱ្យផ្នែករដ្ឋបាលព្រៃឈើស្រុកកំពង់ត្រឡាច។
ប្រភពបែកធ្លាយបានខ្សឹបហើយប្រាប់ថាឈើប្រណិតដែលផ្ទុកនៅក្នុងរថយន្តសាំយ៉ុងនោះ មានចំនួន(៣តោន-២០០គីឡូក្រាមឯណោះ) ប៉ុន្តែខាងផ្នែករដ្ឋបាលព្រៃឈើធ្វើការវាស់វែងំពុំទាន់បានដឹងស្មើប៉ុន្មានម៉ែត្រគូបនៅឡើយទេ ។
រីឯចំណែកអ្នកបើកបររថយន្តកាមរីស្វិតពណ៏កណ្តុរប្រមេះនោះគឺឈ្មោះ ឌីន ត្រូវជាប្អូនបង្កើតលោក ថោង
វ៉ាន់ វីរ៉ាវុឌ្ឍី នាយខណ្ឌរដ្ឋបាលព្រៃឈើខេត្តកំពង់ឆ្នាំង ។
ករណីខាងលើនេះត្រូវបានមតិមហាជនបានធ្វើការរិះគន់ទៅលើលោកនាយប៉ុស្តិ៍នគបាលរដ្ឋបាលស្វាយថា ពិតជាថ្លើមធំមែន ហ៊ានជិះសេះលែងដៃនិងបានប្រើល្បិចត្រីងៀតឈ្លៀតពងឬមួយមានអ្នកធំនៅពីក្រោយខ្នងទេដឹង ? រង់ចាំអ៊ុតមើលតើលោក ឡុច សុវណ្ណរ៉ា ស្នងការខេត្តកំពង់ឆ្នាំង ហ៊ានចាត់ការកូនចៅនៅក្រោមឱវាទដែលសង្សយ័ស៊ីដាច់ឈើមួយចំនួន យកមកស្រោចទឹកទេឬ ? រឺមួយបានទទួលលាភសក្ការះសើមមាត់សើមករទេដឹង ?ទើបបានស្ងាត់មាត់ដូចគេចុក អញ្ចឹងៗៗ ។
យើងពុំអាចទំនាក់ទំនងទៅលោកនាយប៉ុស្តិ៍នគបាលរដ្ឋបាលស្វាយដើម្បីសុំការបំភ្លឺបានឡើយ ព្រោះពុំមានលេខទូរសព្ទ័ តែរង់ចាំការបំភ្លឺជានិច្ច ៕
