អន្តរជាតិ ៖ តុលាការកំពូលរបស់ថៃ បានសម្រេចចេញដីការចាប់ខ្លួន លោកស្រីយីងឡាក់ស៊ីណាវាត្រា អតីតនាយករដ្ឋមន្ត្រីថៃ ដោយសារតែលោកស្រីមិនបានបង្ហាញខ្លួន នៅក្នុងតុលាការ នាថ្ងៃទី២៥ ខែសីហា ឆ្នាំ២០១៧ ពេលតុលាការប្រកាសសាលក្រម រឿងក្តីរបស់លោកស្រី។ តុលាការក៏បានសម្រេចពន្យាពេលប្រកាសសាលក្រមដល់ថ្ងៃទី២៧ ខែកញ្ញា ខាងមុខ។
មេធាវីរបស់លោកស្រីយីង ឡាក់ បាន ប្រកាស់ឲ្យតុលាការបានដឹងនៅវេលាម៉ោង ៩និង៣៧នាទីថា លោកស្រីយីងឡាក់មានសុខភាព មិនល្អ មិនអាច ចូលមកកាន់តុលាការបានឡើយ។ ចំណែកតុលាការវិញ បានប្រកាស មិនទទួលយកហេតុផលខាងលើ ដោយគ្មានវេជ្ជបញ្ជាពីគ្រូពេទ្យថាលោកស្រីពិតជាឈឺមែននោះ ។
លោកស្រីយីងឡាក់ ប្រឈមនិងការចោទប្រកាន់ ធ្វេសប្រហេសនៅក្នុងកម្មវិធីជំនួយតម្លៃ ស្រូវ អង្ករ កាលពីឆ្នាំ២០១៤ ពេលលោកស្រីកាន់តំណែងជានាយករដ្ឋមន្ត្រី ធ្វើឲ្យរដ្ឋខាតបង់ទឹកប្រាក់ជាច្រើន ។ កាលពីថ្ងៃទី២៤ខែសីហា លោកស្រីយីងឡាក់ក៏បានអំពាវនាវ ដល់ពលរដ្ឋដែលគាំទ្រលោកស្រី តាមដាន់ស្ថានភាពនៅក្នុងផ្ទុះរបស់ខ្លួនទៅ មិនចាំបាច់ទៅកាន់តុលាការនៅថ្ងៃទី២៥ខែសីហានេះឡើយ។
លោកស្រីយីងឡាក់បានសរសេរនៅលើបណ្តាញសង្គម ហ្វេសបុកថា«ខ្ញុំចង់ឲ្យអ្នកដែលគាំទ្រ មិនចាំបាច់ទៅកាន់តុលាការឡើង ដើម្បីបញ្ចៀសហេតុការអាក្រក់ដែលអាចកើតឡើង អាចនៅក្នុងផ្ទះតាមដាន់ក៏បានដែរ»។
គណកម្មធិការការពារសន្តិសុខ សណ្តាប់ធ្នាប់ ថស NCPO បានប៉ាន់ប្រមាណ ឃើញថានិងមានពលរដ្ឋរាប់ពាន់នាក់ទៅកាន់តុលាការ។កម្លាំងប៉ូលិសជាង៤០០០នាក់ បានដាក់ពង្រាយការពារសន្តិសុខ នៅទីតាំងតុលាការ។
លោកស្រីយីងឡាក់ ស៊ីណាវ៉ាត្រា អាយុ៥០ឆ្នា ត្រូវបានតុលាការកាត់ទោសតំាងពីខែ មីនាឆ្នាំ២០១៥ ដោយចោទប្រកាន់ ពីបទ ធ្វេសប្រហែសនៅក្នុងករដឹកនាំ។ ក្រៅពីការចោទប្រកាន់ខាងលើ នៅមាន ការចោទប្រកាន់១៥ករណីផ្សេងទៀត ក្នុងនោះមានការផ្តល់ទិដ្ឋការ ដល់បងប្រុសថាក់ស៊ី ភៀសខ្លួនទៅក្រៅប្រទេស។
សារព័ត៌មានរ៉យទ័របានផ្សាយថា សាលក្រមរបស់តុលាការ ចោទប្រកាន់ទោសទៅលើលោកស្រីយីងឡាក់ និងធ្វើឲ្យ ស្ថានភាពនយោបាយនៅក្នុងប្រទេសថៃកាន់តែតានតឹង បង្ករឲ្យមានការបែកបាក់ ក្នុងសង្គមថៃ៕(ដកស្រង់)
