កំពង់ធំៈ ៖ នៅថ្ងៃទី២២ ខែសីហា ឆ្នាំ២០១៧ មន្ត្រីជំនាញសាខាកាំកុងត្រូលសហការជាមួយមន្ទីរពាណិជ្ជកម្មខេត្តកំពង់ធំ បានចុះប្រតិបត្តិការពិនិត្យផលិតផលខូចគុណភាពនៅផ្សារប្រឡាយ ស្រុកស្ទោង និងផ្សារសានគរ ស្រុកកំពង់ស្វាយ ដោយរកឃើញម្ស៉ៅប៉ូរ៉ាក់ជាង៣គីឡូក្រាមនិងផលិតផល ទឹកក្រូច ទឹកផ្លែឈើ ទឹកដោះគោខូចគុណភាពជាច្រើនមុខ។
នៅក្នុងការចុះពិនិត្យដំបូងនៅផ្សារប្រឡាយ ក្នុងស្រុកស្ទោង សមត្ថកិច្ចជំនាញបានរកឃើញ ផលិតនៅប្រទេសថៃ ម៉ាកមីរិនដាចំនួន១០កំប៉ុង និងទឹកក្រូចម៉ាកហ្វាន់តា១៣ដប និងទឹក sameleiចំនួន៨ដប និងធ្វើតេស្សលើ សាច់ណែមត្រី ព្រមទាំងធ្វើការផ្សព្វផ្សាយ poster។
លោក លៀង សុភា ប្រធានកាំកុងត្រូលខេត្តកំពង់ធំ បានបញ្ជាក់ថា នៅក្នុងថ្ងៃដដែលនេះសមត្ថកិច្ចបានបន្ត ចុះពិនិត្យ នៅផ្សារសានគរ ស្រុកកំពង់ស្វាយ ដោយបានរកឃើញសារធាតុម្ស៉ៅប៉ូរ៉ាក ចំនួន៣;២០kg និងទឹកក្រូចម៉ាកBIG ដបធំចំនួន៣ដប ទឹកក្រូចម៉ាកហ្វាន់តា៥ដប ទឹកដោះគោ៤កំប៉ុង និងផ្សេងៗទៀតចំនួន២៤កំប៉ុង ក្រៅពីនេះ សមត្ថកិច្ចបានណែនាំឲ្យក្រុមអាជីវករ ចេះមើលពីការបរិច្ឆេទ ស្គាល់ពីផលិតផលដែលត្រូវសមត្ថកិច្ច ហាមតាំងលក់ទីផ្សារ និងយល់ដឹងពីរបៀបទុកដាក់ផលិតផលឲ្យមានគុណភាពបានយូរ។
ជាមួយនិងការចុះពិនិត្យនេះដែរ ប្រជាពលរដ្ឋបានសាទរចំពោះ ការយកចិត្តទុកដាក់របស់មន្ត្រីកាំកុងត្រូលកំពង់ធំ ដែលបន្តសកម្មភាព ចុះពិនិត្យជាប្រចាំនៅគ្រប់ទីផ្សារនិងទីប្រជុំជន៕ខេត្តកំពង់ធំ សុផាត
