កំពង់ធំ ៖ កាលពីរសៀលថ្ងៃទី 20 ខែសីហា ឆ្នាំ2017 ប៉េអឹមស្រុកស្ទោង ខេត្តកំពង់ធំ បានចុះបង្ក្រាប ល្បែងជលមាន់មួយកន្លែង នៅចំណុចភូមិអំពៅព្រៃ ឃុំសំព្រោជ ស្រុកស្ទោង ខេត្តកំពង់ធំ ដែលដឹកនាំដោយលោកអនុសេនីយ៏ឯក ថាន់ ប៊ុនថេង មេបញ្ជាការស្តីទីកងរាជអាវុធហត្ថ ស្រុកស្ទោង តាមបញ្ជាពីលោក អ៊ិត សុធា ព្រះរាជអាផ្ញាអមសាលាដំបូងខេត្តកំពង់ធំ ។
មន្ត្រីកងរាជអាវុធហត្ថឱ្យដឹងថា ក្នុងការបង្ក្រាបនេះ បានឃាត់ខ្លួនមនុស្ស ៣នាក់ ១ឈ្មោះ សុន សំបាន ភេទប្រុស អាយុ៤១ ឆ្នាំ មានទីលំនៅភូមិក្រសាំង ឃុំសំព្រោជ ស្រុកស្ទោង។ ២ឈ្មោះ កាន់ ខ្លឹម ភេទប្រុស អាយុ៥២ឆ្នាំ មានទីលំនៅភូមិអំពៅព្រៃ ឃុំសំព្រោជ ស្រុកស្ទោង។ ៣ឈ្មោះ កង សំណាង ភេទប្រុស និងដកហូតវត្ថុតាងរួមមាន៖ ម៉ូតូ៨គ្រឿង មាន់ជល់១ក្បាល បង់ស្អិតសម្រាប់រុំខ្នាយមាន់មួយចំនួន កន្ត្រកដាក់មាន់៩។
ក្រោយឃាត់ខ្លួនអ្នកញៀនល្បែង កងរាជអាវុធហត្ថ ស្រុកស្ទោង បានធ្វើការសាកសួនិងកសាងសំណុំរឿងបញ្ជូនបន្តទៅចាត់ការតាមនីតិវិធី។
ជុំវិញករណីនេះផងដែរ គេរង់ចាំមើលថា ក្រុមអ្នកញៀនល្បែងស៊ីសងនេះ អាចគេចផុតពីសំណាញ់ច្បាប់ដែរ ឬយ៉ាងណា? ព្រោះល្បែងស៊ីសងចាក់ភ្នាល់នេះ បានធ្វើឲ្យប៉ះពាល់ដល់នយោបាយភូមិឃុំមានសុវត្ថិភាពយ៉ាងខ្លាំងនៅក្នុងស្រុកស្ទោង៕សុផាតពីខេត្តកំពង់ធំ
