កំពង់ធំ ៖ កាលពីម៉ោង15”30នាទី ថ្ងៃទី04 សីហា ឆ្នាំ2017 មានករណីស្រ្ដីម្នាក់លង់ទឹកស្លាប់ នៅត្រង់ចំនុចភូមិពាមគ្រែង ឃុំក្ដីដូង ស្រុកកំពង់ស្វាយ ខេត្តកំពង់ធំ។
តាមប្រភពពត័មានពីសមត្ថកិច្ចបានអោយដឹងថា ជនរងគ្រោះឈ្មោះ អៀន សុខឃីម ភេទស្រី អាយុ38ឆ្នាំ រស់នៅភូមិឃុំខាងលើ មុនពេលកើតហេតុ ជនរងគ្រោះចុះទៅក្រោមផ្ទះ ដោយសារនៅក្រោមផ្ទះជនរងគ្រោះមានទឹកជំនន់លិចផងនោះ ពេលជនរងគ្រោះឡើងមកលើផ្ទះស្រាប់តែរអិលជើងធ្លាក់ផ្ងារក្រោយធ្លាក់ទឹកលង់ស្លាប់តែម្ដង។
ក្រោយកើតហេតុសមត្ថកិច្ចធ្វើកោសល្យវិច្ឆ័យសាកសព ដោយសន្និដ្ឋានថា ជនរងគ្រោះពិតជាស្លាប់ដោយសារលង់ទឹកមែនពុំឃើញមានអ្វីផ្សេងទេ ក៍ប្រគល់សាកសពអោយសាច់ញាតិនិងក្រុមគ្រួសារយកទៅធ្វើបុណ្យតាមប្រពៃណី៕ដោយសុផាត
