កំពង់ធំ ៖ កាលពីវេលាម៉ោង ១និង៥០នាទី ថ្ងៃទី៣១ ខែកក្កដា ឆ្នាំ២០១៧ មានករណីគ្រោះថ្នាក់ចរាចរណ៍មួយ បានកើតឡើងនៅចំនុចភូមិជ័យមង្គល ឃុំជ្រាប់ ស្រុកសន្ទុក ខេត្តកំពង់ធំ បណ្ដាលអោយ រថយន្ដសាំងយ៉ុង បែកកង់មុខ រេចង្កូតក្រឡាប់ផ្ងារជើង របួសមនុស្សម្នាក់ធ្ងន់និងម្នាក់ស្រាល។
តាមប្រភពពត័មានពីសមត្ថកិច្ចបានអោយដឹងថា រថយន្ដនេះក្រឡាប់ខ្លួនឯង អ្នកបើកបរឈ្មោះ ជុច សុខុន ភេទប្រុស អាយុ៣៦ឆ្នាំ រស់នៅភូមិសានគរ(ខ) ឃុំសានគរ ស្រុកកំពង់ស្វាយ រងរបួសធ្ងន់ និងអ្នករួមដំណើរ ឈ្មោះ ភា រ៉េត ភេទប្រុស អាយុ ២៥ឆ្នាំ រស់នៅភូមិត្នោត ឃុំត្នោត ស្រុកកំពង់ស្វាយ ខេត្តកំពង់ធំ រងរបួសតិចតួច ។
ក្រោយកើតហេតុ សមត្ថកិច្ចបានបញ្ចូនជនរងគ្រោះ ទៅមន្ទីរពេទ្យ ចំណែករថយន្ដ ត្រូវ បានស្ទូចយកមករក្សាទុកនៅអធិការដ្ឋាននគរបាល ស្រុកសន្ទុក៕ សុផាត កំពង់ធំ
