តាកែវ ៖ នៅរសៀលថ្ងែទី២៧ ខែកក្កដា ឆ្នាំ២០១៧ នេះ នៅស្នងការនគរបាលខេត្តតាកែវ មានរៀបចំពិធីប្រកាសផ្ទេរភារកិច្ច តែងតាំងមុខតំណែង និងបំពាក់ឋានន្តរស័ក្ដជូនដល់មន្ត្រីនគរបាលខេត្ត ក្រោមអធិបតីភាពលោកឧត្តមសេនីយ៍ឯក ប៉ែន វិបុល អគ្គស្នងការរងនគរបាលជាតិ និងជាអនុប្រធាននាយកដ្ឋានបុគ្គលិក លោក យស ណាស៊ី អភិបាលរងខេត្ត លោកឧត្តមសេនីយ៍ត្រី សុខ សំណាង ស្នងការនគរបាលខេត្ត លោក ជីវ ចាន់តារា ព្រះរាជអាជ្ញាអមសាលាដំបូងខេត្ត អ្នកស្រី អ៊ិន ម៉ានិត ប្រធានសាលាដំបូងខេត្ត លោកមេបញ្ជាការរងកងរាជអាវុធហត្ថ លោកមេបញ្ជាការងយោធាខេត្ត ព្រមទាំងលោកស្នងការរង លោកអធិការគ្រប់ ស្រុក ក្រុង ចូលរួមយ៉ាងច្រើនកុៈករ ។
លោកឧត្តមសេនីយ៍ត្រី សុខ សំណាង ស្នងការនគរបាលខេត្តបានអានរបាយការណ៍ អំពីសន្តិសុខសណ្តាប់ធ្នាប់នៅក្នុងឆមាសទី១ ជម្រាបដល់អង្គពិធី ព្រមទាំងថ្លែងអំណរគុណដល់គណៈអធិបតី និងអ្នកអមដំណើរដែលបានអញ្ជើញចូលរួមផងដែរ ។
ក្នុងឳកាសនោះដែរ មន្ត្រីដែលបានបំពាក់ឋាននន្តរស័ក្តមានជាង ៣០ នាក់ និងមន្ត្រីដែលចូលរួមមានចំនួនប្រមាណជាង ២០០ នាក់ផងដែរ លោកឧត្តមសេនីយ៍ឯក ប៉ែន វិបុល បានមានប្រសាសន៍ថា អ្នកដែលខំប្រឹងប្រែងធ្វើការស័ក្តសមក្នុងការទទួលបាននូវមុខដំណែង ស័ក្តសមតាមប្រវត្តការងារយូរអង្វែងដែលបានបំពេញភារៈកិច្ចបំរើជាតិមាតុភូមិ៕
