កំពង់ធំ ៖ ប្រភពច្បាស់ការមួយបានប្រាប់ថា ក្នុងរដូវបិទនេសាទសំរាប់ត្រីពងកូននៅក្នុងឆ្នាំនេះ មានបទល្មើសនេសាទជាច្រើនលេចឡើង ក្នុងដែនគ្រប់គ្រងរបស់ លោក កន ចាន៎សីហា នាយសង្កាត់រដ្ឋបាលជលផលស្រុកស្ទោង បានកំពុងតែរីករាលដាលពេញផ្ទៃទឹក ជាក់ស្ដែង បទល្មើសនៅចំនុច ប្រគៀប ភូមិប្រគៀប ឃុំម្ស៉ាក្រង ស្រុកស្ទោង ខេត្តកំពង់ធំ ដោយសារក្រុមអ្នករស់នៅក្នុងភូមិសរល្ងាច ជាអ្នកដាក់បទល្មើសទាំងនេះ និងមានការឃុបឃឹតពីមន្រ្តីជលផលផងដែរ។
តាមប្រភពពត័មានពីមន្រ្ដីម្នាក់បានអោយដឹងថា ឈ្មួញកំពុងចចារគ្នាជាមួយសមត្ថកិច្ច ដើម្បីបានដាក់បទល្មើស ក្នុងសាច់អួន មួយកន្លែង៦០ម៉ីនរៀល ទៅ៨០ម៉ីនរៀល តែនៅមិនទាន់ត្រូវរ៉ូវគ្នា តែកន្លែងខ្លះបានត្រូវរ៉ូវនិងកំពុងតែដាក់បទល្មើស ជាក់ស្ដែង ឧបករណ៍ សាច់រ៉ាវបរ ជាច្រើនកន្លែង កំពុងតែដាក់បង្អួតនៅចំនុច ប្រគៀប ភូមិប្រគៀប ឃុំម្ស៉ាក្រង ស្រុកស្ទោងតែម្ដង។
លោក ចាន់ កនសីហា នាយសង្កាត់រដ្ឋបាលជលស្រុកស្ទោង បានទទួលស្គាល់ថា ពិតជាមានបទល្មើសនៅចំនុចខាងលើនិងមែន ដោយសារយើងដាច់សាំង គ្មានសោហ៊ុយ ចុះទៅជាងកន្លះខែហើយ ទើបកម្លាំងយើងមិនទាន់ចុះបង្រ្កាប តែនៅថ្ងៃទី៣១ ខែកក្កដា ឆ្នាំ២០១៧ និងថ្ងៃទី១ ខាងមុននិងចុះបង្រ្កាបបន្ដទៀត ៕
