កំពង់ធំ ៖ ស្ត្រីម្នាក់បើករថយន្ដហ៊ីឡែនឌឺធ្លាក់ថ្នល់ក្រឡាប់ផ្ងារជើងកាលពីវេលាម៉ោង ៤និង០០នាទី ថ្ងៃទី២៦ ខែកក្ដដា ឆ្នាំ២០១៧ ត្រង់ចំនុច វាលសសៃរ ភូមិសូយោង ឃុំសូយោង ស្រុកបារាយណ៍ ខេត្តកំពង់ធំ បណ្ដាលអោយស្លាប់ស្រ្ដីម្នាក់ នៅកន្លែងកើតហេតុ។
តាមប្រភពព័តមានពីសមត្ថកិច្ចនគរបាល បានអោយដឹងថា គ្រោះថ្នាក់ចរាចរណ៍នេះបង្កឡើងដោយរថយន្ដ ហ៊ីឡែនឌឺ ពណ៍ទឹកប្រាក់ ពាក់ផ្លាកលេខ ភ្នំពេញ 2AE0453 បើកបរដោយ ឈ្មោះ រស់ វណ្ណា ភេទស្រី អាយុ ៤៨ឆ្នាំ រស់នៅភូមិប៉ាណា ឃុំសូរទិព្វ ស្រុកជើងព្រៃ ខេត្តកំពង់ចាម។
ក្រោយកើតហេតុ សមត្ថកិច្ចបានធ្វើការវាស់វែងធ្វើកំណត់ហើយ ធ្វើកោសល្យវិច្ច័យដោយសន្និដ្ឋានថា រថយន្ដនេះទំនង់ជាបើកវ៉ាគេមិនរួច បានគេចរថយន្ដមួយផ្សេងទៀត ក្នុងល្បឿនលឿនផង បណ្ដាលអោយរេចង្កូតធ្លាក់ថ្នល់តែម្ដង ក្រោយមកសមត្ថកិច្ចបាន ស្ទូចយករថយន្ដយកទៅរក្សាទុកនៅអធិការដ្ឋានស្រុកបារាយណ៍ និងប្រគល់សាកសពអោយសាច់ញាតិក្រុមគ្រួសារយកទៅធ្វើបុណ្យតាមប្រពៃណី៕
