កំពង់ធំ ៖ កម្លាំងសមត្ថកិច្ចបានចុះឃាត់ខ្លួនបុរសម្នាក់ឈ្មោះ ឆេងសុខអេងដែលយកឈ្មោះថ្នាក់ដឹកនាំដើរជំរិតទារប្រាក់ពីប្រជាពលរដ្ឋដែលរកស៊ីដឹកអុសនិងជំនៀឈើបន្តិចបន្តួច គ្រាន់បានចឹញ្ចឹមឆ្នាំង ធ្វើអោយពួកគាត់មានការក្ដៅក្រហាយ ឈានទៅដល់ធ្វើលិខិតប្ដឹងទៅតុលាខេត្តកំពង់ធំ។
ជាក់ស្ដែងក្នុងថ្ងៃទី១៩ ខែកក្កដា ឆ្នាំ២០១៧ ឈ្មោះ ឆេង សុខអេងបានមកជំរិតទារប្រាក់ពីបងប្អូនដឹកឈើតាមគោយន្តកន្ត្រៃម្ដងទៀត ក្នុងគោយន្តកន្ត្រៃមួយទារយកលុយចាប់ពី១៥ម៉ឺនរៀលឡើងទៅរហូតដល់ហាសិបម៉ឺនរៀល ដោយឃើញទង្វើនេះអាក្រក់ពេក មានប្រជាពលរដ្ឋបានលួចតេរាយការណ៍ទៅកំម្លាំងកងរាជអាវុធហត្ថស្រុកបារាយណ៍ ហើយលោក ឃុន ប៊ុនហូ មេបញ្ជាការអាវុធហត្ថស្រុកបានរាយការណ៍សុំយោបល់ពីព្រះរាជអាជ្ញាខេត្តកំពង់ធំ និងចុះទៅឃាត់ខ្លួនជនសង្ស័យជាក់ស្ដែងនៅចំណុចភូមិកំពុងស្ដេច ឃុំក្រវ៉ា ស្រុកបារាយណ៍ ក្នុងនោះដកហូតវត្ថុតាងមួយចំនួនមានរថយន្តជិះធ្វើសកម្មភាពមួយគ្រឿងម៉ាកលុចស៊ីសអអិច៣០០ បេសកម្មក្លែងក្លាយ លុយ និងសំភារះផ្សេងៗមួយចំនួន។
បច្ចុបន្នជនសង្ស័យកំពុងយកទៅសួរនាំនៅមូលដ្ឋានកងរាជអាវុធហត្ថស្រុកបារាយណ៍៕
