កោះកុង ៖ លោក សុជាថាវិរិទ្ធ ហៅទី ដែលជាក្មួយមេឃុំថ្មស បានសាងសង់ផ្ទះថ្មពីរជាន់ទៅក្នុងអូរយ៉ាងរលូន ដោយមិនមានច្បាប់អនុញាត្តពីភូមិស្រុកទេ។លោក សុជាថាវិរិទ្ធ ហៅទី នេះបានសង់ផ្ទះថ្មក្នុងអូរតែម្ដង ធ្វើអោយរាំងស្ទះផ្លូវទឹកអូរ ដែលហូរមកពីលើ នៅពេលភ្លៀង លិចផ្លូវ លិចផ្ទះប្រជាពលរដ្ឋ លិចទឹកក្នុងផ្សារទៀត បណ្ដាលមកពីទឹកហូរមិនរួច ដោយសារ ឈ្មោទីធ្វើផ្ទះថ្មក្នុងអូរ ហើយផ្សារដែកបិតសំរាមមិនអោយហូរកាត់ក្រោមផ្ទះរបស់គេបានជាសំរាមមកផ្ដុំគរដូចភ្នំ ពីក្នុងអូរក្រោយផ្ទះរបស់ឈ្មោះទី បណ្តាលឲ្យស្ទះទឹកជន់លិចផ្ទះប្រជាពលរដ្ឋ ព្រមទាំងលិចទឹកក្នុងផ្សារទៀត។
អូរដែលឈ្មោះ សុជាថាវិរិទ្ធ ហៅទី សង់ផ្ទះនោះស្ថិតនៅភូមិថ្មស ឃុំថ្មស ស្រុកបុទុមសាគរ ខេត្តកោះកុង ហើយក៌នៅទីប្រជុំជនផងដែ។
ប្រជាពលរដ្ឋបានរិះគន់ទៅលើអាជ្ញាធរឃុំ ស្រុក ថាបានបើកដៃអោយគេសាងសង់សំណង់ក្នុងអូរជាច្រើនធ្វើឲ្យរាំងស្ទះផ្លូវទឹកហើយលិចទឹកជារាងរាល់ឆ្នាំ ពួកគាត់លើកឡើងថាពេលលិចទឹកម្ដងៗ មិនដែលអាជ្ញាធរណាមកមើលទេ នេះជាការលើកឡើងរបស់ពួកគាត់។
ចំណែកសំណង់សាង់សង់ក្នុងអូររបស់ឈ្មោះ សុជាថាវិរិទ្ធ ហៅទីនោះ អ្នកសារព័ត៌មាន បានសួរទៅលោក អិកកួន មេឃុំថ្មស លោកមេឃុំគាត់បានប្រាប់ថា គេកំពុងរត់ការធ្វើច្បាប់ហើយ លោកមេឃុំបន្តថាគេបានប្រាប់គាត់ដែរ នេះជាសម្ដីលោកមេឃុំ។
ចំណែកប្រធានភូមិបាលស្រុកបូទុមសាគរ លោក ពៅ ចាន់ថន បាននិយាយប្រាប់អ្នកសារព័ត៌មានថា រូបលោកមិនបានដឹងរឿង គេសាងសង់សំណង់ក្នុងអូរទេ ហើយក៌មិនបានមកសុំច្បាប់ពីលោកដែរ រឿងនឹងលោកមិនដឹងទាំងអស់ លោកបន្តថាបើសំណង់សង់ក្នុងអូរ រូបលោកមិនហ៊ានចេញច្បាប់អោយទេ។លោក ពៅ ចាន់ថន ថាចាំលោកចុះទៅមើល បើសង់ក្នុងអូរមែនអោយគេវ៉ៃចេញ។
ប្រជាពលរដ្ឋរិះគន់ថា ឈ្មោះ សុជាថាវិរិទ្ធ ហៅទី អាងមានលុយមានអំណាច អាងខ្សែអាងខ្លួនជាក្មួយមេឃុំ ហ៊ានធ្វើតាមអំពើចិត្ត ធ្វើអោយប៉ះពាល់ដល់សង្គមជាតិ នឹងប៉ះពាល់ដល់ការរស់នៅរបស់ប្រជាពលរដ្ឋជាច្រើនគ្រួសារនៅក្នុងឃុំថ្មស។
កន្លងមក ឈ្មោះ សុជាថាវិរិទ្ធ ហៅទី នេះ បានឈរឈ្មោះក្នុងក្រុមប្រឹក្សាឃុំថ្មសដែរ តែមិនមានតួនាទីអីទេ ឥឡូវឈ្មោះទី គេបំរុងដាក់ជាមេក្រុមភូមិថ្មស។
សូមឲ្យលោកប្រធានមន្ទីសូរិយោដីខេត្តកោះកុង ចុះមកមើលសំណង់អត់ច្បាប់នៅឃុំថ្មសផង។ដោយ យួនឈីវ
