ខេត្តស្វាយរៀង ៖ នៅព្រឹកថ្ងៃទី១៨ កក្កដា នេះ កម្មករ-កម្មការិនីរោងចក្រ JNJ របស់ជប៉ុនប្រមាណជាង១០០០នាក់ បានបន្តធ្វើកូដកម្ម ដោយតវ៉ាទាមទារឱ្យថៅកែរក្សាប្រាក់លើកទឹកចិត្ត មិនធ្វើបាតុកម្ម ក្នុងរយៈពេល៣ខែឧបត្ថម្ភប្រាក់២៥ដុល្លារ ។
បើតាមលោក អ៊ូ សុខឿន អនុប្រធានមន្ទីរការងារ និងបណ្តុះបណ្តាលវិជ្ជាជីវៈខេត្ត និងជាតំណាងឱ្យក្រសួងការងារនៅតំបន់សេដ្ឋកិដ្ឋក្រុងបាវិតបានឱ្យដឹងថា កម្មករ-កម្មការនីរោងចក្របាននាំគ្នាធ្វើកូដកម្ម មិនចូលធ្វើការជាបន្តទៀត នៅថ្ងៃទី១៨ កក្កដា នេះ ដោយចោទថា ភាគីក្រុមហ៊ុនរោងចក្រជេអ៊ែនជេនេះ មិនគោរពតាមកិច្ចសន្យា និងមិនបើកប្រាក់ឧបត្ថម្ភលើកទឹកចិត្ត២៥ដុល្លារ ជាថ្នូរ មិនចូលរួមបាតុកម្មកន្លងមក ។ លោកបញ្ជាក់ថា រោងចក្រជេអ៊ែនជេនៅក្នុងតំបន់សេដ្ឋកិច្ចពិសេស តាយសេង ស្ថិតនៅភូមិតាបិប សង្កាត់បាវិត ក្រុងបាវិត មានកម្មករ-កម្មការិនី បម្រើការងារសរុបប្រមាណ១៩០០នាក់ ៕
