កំពង់ធំ ៖បទល្មើសនេសាទត្រូវបានប្រទះឃើញមានការប្រើប្រាសឧបករណ៍នេសាទខុសច្បាប់ និងត្រូវបានហាមឃាត់ដាច់ខាត ពីសំណាក់ក្រសួងកសិកម្ម រុក្ខា ប្រមាញ់និងនេសាទតែផ្ទុយទៅវិញ គេឃើញប្រជាពលរដ្ឋមួយចំនួនបានឆ្លៀតឪកាស លួចប្រើប្រាសឧបករណ៍ខុសច្បាប់នេសាទដដែល ជាក់ស្ដែងនៅព្រឹកថ្ងៃទី១៤ ខែកក្កដា ឆ្នាំ២០១៧ ត្រូវបានគេប្រទះឃើញបទល្មើសនេសាទខុសច្បាប់ នៅចំណុចឃុំអន្សាក្រង ស្រុកស្ទោង ខេត្តកំពង់ធំ ដោយការដាក់ដៃ ដាក់របាំង សាច់ក្រហម រាប់រយ ម៉ែត្រដែលជាហេតុធ្វើអោយមានការសង្ស័យថាបទល្មើសនេសាទដែលបានកើតឡើងនេះ គឺដោយសារតែការខ្វះចន្លោះពីសំណាក់ពីមន្ត្រីរដ្ឋបាលជលផល។
តាមប្រភពពត៏មានពីសំណាក់អ្នកនេសាទបានអោយដឹងថា នៅក្នុងរដូវបិទនេសាទនេះមានប្រជាពលរដ្ឋដែលគាត់មានធនធានអាចនិងចរចាជាមួយសមត្ថកិច្ចជំនាញដើម្បីដាក់បទល្មើស តែសម្រាប់អ្នកដែលខ្វះខាតថវិកា គឺពុំមានលទ្ធភាពក្នុងការដាក់បទល្មើសទាំងនេះបានឡើយ ទាក់ទិននិងកាតដាក់បទល្មើសនេសាទក្នុងរដូវបិទនេសាទនេះគឺសមត្ថកិច្ចរដ្ឋបាលជលផលមួយរូបបានអះអាងថាការពិតជាមានការនាំដល់ប្រជាពលរដ្ឋមិនអោយប្រើប្រាសឧបករណ៍ខុសច្បាប់ និងប្រព្រិត្តបទល្មើសនេសាទ តែវាហាក់បីដូជាការវែកចកគឺពួកគាត់នាំគ្នាលួចធ្វើសកម្មភាពលក្ខណៈពេលដែលម្លាំងដកចេញវិញ ទោះជាមានកាបំភ្លឺបកស្រាយពីស្ថាប័នពាក់ព័ន្ធក័ដោយ ក៍មានមហាជនទូទៅដែលបានដឹងពីសកម្មភាពបទល្មើសនេសាទ សុំសំណូមពរអោយលោកនាយខ័ណ្ណរដ្ឋបាលជលផល់ខេត្តកំពង់ធំ មេត្តាជួយរិតបន្តឹងទប់ស្កាត់បង្ក្រាបបទល្មើសនេសាទជលផល់ ដើម្បីការពារមច្ឆាជាតិដែលកំពុងពងកូនក្នុងរដូវបិទនេសាទនេះផង៕
