កំពងធំ់ ៖ នៅវេលាម៉ោង18h45នាទី ថ្ងៃទី13/កក្កដា/ឆ្នាំ2017 មានករណីគ្រោះថ្នាក់ចរាចរណ៍រវាង ម៉ូតូរឺម៉កបើកបុកម៉ូតូដួល កើតឡើងលើផ្លូវជាតិលេខ6ត្រង់ចំណុចភូមិសិរីចំប៉ា ឃុំជ្រលង ស្រុកបារាយណ៌ ខេត្តកំពង់ធំ។
សមត្ថកិច្ចបានអោយដឹងថា អ្នកបង្កគឺអ្នកបើកម៉ូតូរឺម៉កបានបើកបុកម៉ូតូដួលហើយបើកគេចខ្លួនបាត់ បណ្ដាលអោយរថយន្តមកកិនអ្នកបើកម៉ូតូម៉ាកC125 ពណ៍ខ្មៅ ពាក់ស្លាកលេខបាត់ដំបង1V1160 បើកដោយឈ្មោះ ពៅ ពិនុត ភេទប្រុស អាយុ21ឆ្នាំ រស់នៅភូមិអណ្ដូងពោធិ ឃុំអណ្ដូងពោធិ ស្រុកបារាយណ៌ ខេត្តកំពង់ធំ(របួសធ្ងន់) អ្នករួមដំណើរឈ្មោះ ឡាំង ចាន់តារ៉ា ភេទប្រុស អាយុ20ឆ្នាំ នៅភូមិជាមួយគ្នា(ត្រូវរថយន្តកិនស្លាប់នៅកន្លែងកើតហេតុ)។
ចំណែកម៉ូតូរឺម៉កបង្ក និងរថយន្តបើកកិនបានបើករត់គេចខ្លួនបាត់ស្រមោល ឯជនរងគ្រោះត្រូវក្រុមគ្រួសារដឹកបញ្ជូនទៅពេទ្យភ្នំពេញ អ្នកស្លាប់សមត្ថកិច្ចប្រគល់អោយសាច់ញាតិយកទៅធ្វើបុណ្យតាមប្រពៃណី រីឯវត្ថុតាងម៉ូតូយកមករក្សាទុកនៅអធិការដ្ឋាននគរបាលស្រុកបារាយណ៌ សមត្ថកិច្ចបើកការស្រាវជ្រាវចាប់ខ្លួនជនបង្កមកដោះស្រាយគ្នាតាមច្បាប់៕
