ភ្នំពេញ ៖ បន្ទាប់ពីសារព័ត៌មានចុះផ្សាយព្រោងព្រាត រិះគន់ក្រុមហ៊ុន ដួង ស្រួច ទាក់ទងការទទួលបានសិទ្ធិស្របច្បាប់លើការប្រមូលផល និងអនុផលព្រៃឈើនោះ ក្រសួងកសិកម្ម រុក្ខប្រមាញ់ និងនេសាទ បានចេញសេចក្ដីប្រកាសជាផ្លូវការមួយ ពាក់ព័ន្ធក្រុមហ៊ុន ដួង ស្រួច បានស្នើសុំការ ប្រមូលផល និងអនុផលព្រៃឈើ នៅតំបន់សម្បទានដីសង្គមកិច្ច ក្នុងខេត្តរតនគិរី ដោយក្រសួងបានអះអាងថា បានស្នើឲ្យក្រុមហ៊ុនធ្វើការ ទំនាក់ទំនងជាមួយអភិបាលខេត្ត និងរដ្ឋបាលព្រៃឈើ ឲ្យសមស្របតាមនីតិច្បាប់ ។
ក្រសួងកសិកម្ម ក៏បានបដិសេធ ក្រោយមានការចុះផ្សាយថា ក្រុមហ៊ុន ដួង ស្រួច គ្រុប កំពុងតែធ្វើសកម្មភាពកាប់បំផ្លាញ ព្រៃឈើ នៅក្នុងខេត្តរតនគិរី ឲ្យវិនាសហិនហោចបង្ហើយនៅទីចុងក្រោយផងដែរ ។
គួររំលឺកថា សកម្មភាពអាជីវកម្មព្រៃឈើរបស់ក្រុមហ៊ុន ដួង ស្រួច នៅឯខេត្តព្រះវិហារវិញ ត្រូវបានសាធារណជនរិះគន់ថា ក្រុមហ៊ុនមួយនេះមិនបានគោរពតាមច្បាប់ដែលរាជរដ្ឋាភិបាលបានអនុញ្ញាត្តិនោះទេ ហើយពួកគេជ្រកក្រោមលេសច្បាប់អនុញ្ញាតិនេះកាប់យ៉ាងអាណាធិបតេយ្យ ៕
