កំពង់ធំ ៖ មួយរយះពេលនេះ បទល្មើសដឹកជញ្ចូនអនុផលព្រៃឈើចេញពីខេត្តសៀមរាប និងខេត្តព្រះវិហារ ឆ្លងកាត់ខេត្តកំពង់ធំ មានសភាពដួចគេហែរកឋិនចូលវត្ត តែបែរជាមន្រ្ដីដែលពាក់ព័ន្ធមួយចំនួនធំ មិនសូវបង្រ្កាប ទោះបីរាល់ការប្រជុំ ថ្នាក់លើបានលើកឡើងថា សូមអោយមន្រ្ដីជំនាញគ្រប់ស្ថាប័នដែលពាក់ព័ន្ធរួមទាំងប្រជាពលរដ្នផងដែរ ជួយទប់ស្កាត់បទល្មើសព្រៃឈើ។
ជាក់ស្ដែងកាលពីម៉ោង១និង៣០នាទី ថ្ងៃទី៤ កក្កដា ២០១៧ កំលាំងកងរាជអាវុធហត្ថ ស្រុកសន្ទុកចំនួន០២នាក់ រថយន្ត ០១គ្រឿង ដឹកនាំដោយលោកអនុសេនីយ៍ឯក នេត ចាន់សុភាព មេបញ្ញាការរងស្រុកសន្ទុក សហការណ៍ជាមួយ កំលាំងរដ្ឋបាលព្រៃឈើផ្នែកកំពង់ថ្ម ស្ទាក់ចាប់រថយន្តក្រុងចំណុះ45កៅអី ០១គ្រឿង នៅចំណុច ភូមិព្រៃភ្លូ ឃុំកំពង់ថ្ម ស្រុកសន្ទុក ខេត្តកំពង់ធំ។
លោក សុត ម៉ារី នាយផ្នែករដ្ឋបាលព្រៃឈើ កំពង់ថ្ម បានប្រាប់ក្នុងថា ខាងមន្រ្ដីជំនាញយើងបានសួរនាំ អ្នក បើកបររថយន្ដ រកឈ្មោះថៅកែឈើ តែពុំប្រាប់ ជាលទ្ធផល ឃាត់ខ្លួនអ្នកបើករថយន្តម្នាក់ឈ្មោះប៉ិល វឿន ភេទប្រុស អាយុ 44ឆ្នាំ រស់នៅ ភូមិត្រពាំង ឃុំល្វា ស្រុកព្រៃឈរ ខេត្តកំពង់ចាម រថយន្តក្រុង ពណ៏ខៀវលាយសរ ពាក់ស្លាកលេខ ភ្នំពេញ 3C - 6871 ឈើប្រណិតប្រភេទធ្នង់កូនក្រឡឹងចំនួន 77ដុំ= 0.370ម៉ែត្រគីប និង ឈើលេខ01ប្រភេទសុក្រមចំនួន 39សន្លឹក ស្មើនិង 3.232ម៉ែត្រគីប ប្រគល់ជូនរដ្ឋបាលព្រៃឈើផ្នែកកំពង់ថ្មធ្វើការវាស់វែងនិងរក្សាទុក ចំណែកមនុស្សកំពុងកសាងសំនុំរឿង បញ្ចូនបន្ដទៅតុលាកា ចាត់ការតាមនិតិវិធីច្បាប់ ៕
