កោះកុង ៖ កន្លែងទិញលក់ម៉ូតូចោរកម្មនឹងម៉ូតូអត់ពន្ធ មានម្ចាស់ឈ្មោះ ក្រួច សុធា មុខរបរទិញលក់ម៉ូតូ នឹងលក់ទូរស័ព្ធដៃគ្រប់ប្រភេទ ស្ថិតនៅភូមិស្រែអំបិល ឃុំស្រែអំបិល ស្រុកស្រែអំបិល ខេត្តកោះកុង។
ឈ្មោះ ក្រួច សុធា នេះរកស៊ីទិញលក់ម៉ូតូអត់ពន្ធជាយូរឆ្នាំមកហើយ ដោយលក់គ្រប់កន្លៃងក្នុងស្រុកស្រែអំបិល មិនដែលមានគយឬសមត្ថកិច្ចណាចុះមកបង្រ្កាបម៉ូតូអត់ពន្ធនោះទេ។
ជាក់ស្តែងថ្មីៗនេះ នៅថ្ងៃទី28,6,2017 ឈ្មោះ ក្រួច សុធា បានទិញម៉ូតូចោរកម្មមួយគ្រឿង ដោយពុំមានកាតគ្រី ដែលពួកក្មេងស្ទាវពីរនាក់ បានលួចយកមកពីក្នុងសាលារៀននៅភូមិសុវណ្ណា ឃុំកណ្ដោ ស្រុកបូទុមសាគរ។
ម្ចាស់ម៉ូតូដែលបានបាត់ម៉ូតូនោះឈ្មោះ សេងរ៉ សេត រស់នៅភូមិសុវណ្ណា ឲ្យកូនជិះមករៀន ហើយត្រូវចោរលួចបាត់ ម្ចាស់ម៉ូតូបាននិយាយថា ម៉ូតូគាត់ 010ពាក់ស្លាកលេខ 1A2296 កោះកុង។
ចំណែកអ្នកលួចយកមកលក់មានគ្នាពីរនាក់ (១)ឈ្មោះឃូ សៀ ភេទប្រុស អាយុ23ឆ្នាំ (២) ឈ្មោះឃឹម ធា ភេទប្រុស អ្នកទាំងពីររស់នៅភូមិអណ្ដូងទឹក ឃុំអណ្ដូងទឹក ស្រុកបូទុមសាគរ។
ក្រោយពីលួចបាន អ្នកទាំងពីរបានយកម៉ូតូមកលក់ឲ្យឈ្មោះ ក្រួច សុធា ក្នុងតំលៃ450ដូល្លា ហើយឈ្មោះ ក្រួច សុធា បានធ្វើលិខិតទិញលក់ផ្ដឹតមេដៃ នៅក្នុងនោះក៌មានមេប៉ុស្ដិស្រែអំបិល ឈ្មោះ ខាំវង្ស បានស៊ីញ៉េធ្វើជាសាក្សីនិងផ្តឹតមេដៃឲ្យអ្នកទិញថែមទៀតផង។សូមបញ្ជាក់ថា ម៉ូតូដែលក្មេងស្ទាវពីនាក់លូចយកមកលក់នោះ ពុំមានកាតគ្រីទេ ដោយអ្នកទាំងពីរនោះដាក់អត្តសញ្ញាណប័ណខ្លួនឯង ដែលអាចចាត់ទុកថាពុំមានឯកសារគ្រប់គ្រាន់ ជាម៉ូតូចោរកម្ម ចំណែកអ្នកទិញក៏ត្រូវទទួលរងពីបទទទួលផលចោរកម្មដែរ។
ក្រោយពីតាមដានស្រាវជ្រាវរកឃើញ ម៉ូតូត្រូវបានប្រគល់ឲ្យម្ចាស់ដើមវិញហើយ។
ប្រជាពលរដ្ឋរិះគន់ថា ឈ្មោះ ក្រួច សុធា ជាអ្នកទិញលក់ម៉ូតូ ដោយសំអាងខ្សែខ្នងមេប៉ុស្ដិ ខាំវង្ស ហ៊ានរកស៊ីទិញរបស់ចោរកម្មនឹងម៉ូតូអត់ពន្ធលក់ដុះស្លែទៅហើយ បំពានទៅលើគោលការណ៏ភូមិឃុំមានសុវត្ថិភាព។
ចំណែក លោកមេប៉ុស្ដិ ខាំវង្ស អ្នកសារព័ត៌មានបានទូរស័ព្ទទៅសួរពាក់ពន្ធ៏ធ្វើជាសាក្សី គាត់ថាគាត់ធ្វើសាក្សីដឹងឮមែន ពីព្រោះអ្នកលក់មានអត្តសញ្ញាណប័ណ្ណសញ្ជាតិខ្មែរ ហើយអ្នកលក់ឲ្យថតរូបទុកទៀត ខ្លាចអី លោកមេប៉ុស្ដិបន្តថា ឥឡូវម៉ូតូគេយកទៅប្រគល់ឲ្យម្ចាស់ដើមវិញហើយ មេប៉ុស្ដិបន្តថា អាហ្អែងចង់ធ្វើស៊ីអញ់អី នេះជាសម្ដីមេប៉ុស្ដី ខាំវង្ស ប្រាប់អ្នកសារព័ត៌មាន។
ចំណែកអធិការស្រុកស្រែអំបិល លោក ម៉ាទី បាននិយាយថា រឿងពាក់ពន្ធ៏មេប៉ុស្ដិធ្វើសាក្សី គាត់មិនបានដឹងទេ អ្នកណាធ្វើអ្នកនោះទទួលខុសត្រូវខ្លួនឯង ខ្លួនជាមេប៉ុស្ដិរឿងអីធ្វើអញ្ចឹង នេះជាសម្ដីរបស់លោកអធិការ។
ការឃុបឃិតគ្នាទិញម៉ូតូចោរកម្ម រវាងអ្នកទិញនឹងមន្ត្រីនគរបាលមេប៉ុស្ដីឃុំស្រែអំបិល លោក ខាំវង្ស ដែលចូលក្នុងបទល្មើសទទួលផលចោរកម្ម គួរតែលោកស្នងការនគរបាលខេត្តកោះកុង យកមេប៉ុស្ដិរូបនេះទៅធ្វើការងូតទឹក ដុះក្អែល ឆ្លុះកញ្ចក់ចេញម្ដងហើយ តាមអនុសាសន៏សម្តេចតេជោដែលថាមន្ត្រីត្រូវបំរើរាស្ត្រដោយស្មោះត្រង់ ហើយក៍មិនគួរទុកមេប៉ុស្ដិរកស៊ីសមគំនឹតជាមួយឈ្មួញទិញម៉ូតូចោរកម្ម ធ្វើឲ្យខូចមុខមាត់ដល់ប៉ូលិសដ៌ទៃទៀត បើមិនអញ្ចឹងទេ អសន្តិសុខក្នុងសង្គមមុខជាកើតឡើងគ្រប់ទីកន្លែងហើយ៕ដោយ យួន ឈីវ
