កំពង់ធំ ៖ នៅវេលាម៉ោង 7&30នាទីយប់ ថ្ងៃទី30 ខែមិថុនា ឆ្នាំ2017 កំលាំងសមត្ថកិច្ចជំនាញ សង្កាត់ សាលាវិស័យ សង្កាត់កំពង់ស្វាយ ផ្នែករដ្នបាលព្រៃឈើស្ទោង រួមជាមួយ ខ័ណ្ឌរដ្ឋបាលព្រៃឈើ ខេត្តកំពង់ធំ បានសហការគ្នា ចុះចាប់រថយន្ដCMCមួយគ្រឿង លួចដឹកឈើប្រណឹត ដោយសុំគោលការណ៍ ពីលោក អិត សុ ធា ព្រះរាជអាជ្ញា អមសាលាដំបូងខេត្តកំពង់ធំ ចុះចាប់នៅចំនុច ផ្លូវជាតិលេខ 62 ត្រង់ផ្លូវបំបែក ព្រះវិហារ កំពង់ធំ។
ជាលទ្ធផល កំលាំងមន្រ្ដីជំនាញ ឃាត់បានមនុស្ស 2នាក់ ព្រមទាំងវត្ងុតាង មាន ឈើបេង2ដុំ មុខកាត់30cm×10cm ប្រវែង2ម៉ែត្រ ធ្នង់2បន្ទះ សសរសុក្រម22ដើម និង ទ្វារ6សន្លឹក ត្រូវបានរក្សាទុកនៅ ផ្នែក រដ្ឋបាលព្រៃឈើស្ទោង ចំណែកមនុស្ស ឃុំខ្លួនបណ្ដោះអាសន្ន មូយយប់ លុះថ្ងៃ ទី1 កក្កដា ឆ្នាំ2017 និងកសាងសំនុំរឿង ចាត់ការតាមនីតិច្បាប់រដ្ឋបាលព្រៃឈើ៕
