កំពង់ធំ ៖ បទល្មើសដឹកឈើប្រណិតឆ្លងកាត់ទឹកដីខេត្តកំពង់ធំ បានយ៉ាងរលូន ពុំសូវមានការបង្រ្កាបពីសំណាក់សមត្ថកិច្ចជំនាញរដ្ឋបាលព្រៃឈើទេ ឯសមត្ថកិច្ចមួយចំនួន បើសិនមិនបានប្រយោជន៍ ទើបមានការស្ទាក់ចាប់ តែបើបានប្រយោជន៍ គឺស្ងាត់ឈឹងដូចចោរលួចសេះ។
ជាក់ស្ដែងការបង្រ្កាបរថយន្ត កូរ៉េ ហ៊ីយឹនដាយប្រាំតោន ពាក់ផ្លាកលេខ ភ្នំពេញ 3B4694 ដឹកឈើប្រណិត ធ្នង់ ប្រហែលជាងដប់តោន ថ្ងៃនេះដោយសារមានការដឹកនាំពី លោក អិត សុធា ព្រះរាជអាជ្ញា អមសាលាដំបូងខេត្តកំពង់ធំ ដឹកនាំកំលាំងសមត្ថកិច្ចចំរុះបង្រ្កាបចាប់បាននៅចំនុច ភូមិ ត្រាច ឃុំ កំពង់ចិនជើង ស្រុកស្ទោង។
តាមប្រភពពត័មានពីសមត្ថកិច្ចបានឲ្យដឹងថា អ្នកយាមឃ្លាំងឈ្មោះ ម៉ៅ សាខន ឋានះអនុសេនីយ៍ត្រី ជាមេបញ្ចាការរង អនុសេនាធំទីបី វរៈសេនាតូចអន្ដរាគមន៍ លេខ ៣៩១ អត្តលេខ ២០៥៥៩៧ ជាអ្នកយាមឃ្លាំង ឲ្យបងឈ្មោះ តាំង ឡៃ (ត្រូវបានឃាត់ខ្លួន ) ឯម្ចាស់រថយន្ដ ត្រូវបានឃាត់ខ្លួន ឈ្មោះ ស៊ុន ផល ជាឈ្មួញឈើដុះស្លែ ប្រចាំស្រុក ស្ទោង ( ត្រូវបានឃាត់ខ្លួន) បញ្ចូនទៅតុលាការខេត្តកំពង់ធំ ឯ វត្តុតាងយកទៅរក្សា ទុកនៅ ផ្នែករដ្នបាលព្រៃឈើ ស្ទោង ដើម្បីធ្វើការវាស់វែង៕
