កំពង់ធំ៖ នៅព្រឹកថ្ងៃទី 3 កក្ដដា ឆ្នាំ 2017 សាលាខេត្តកំពង់ធំ បានប្រារព្វពិធីបុណ្យ រុក្ខាទិវា9កក្ដដា នៅក្នុង បរិវេណ ទីបញ្ចាការដ្ឋានវរសេនាតូចរៀបរយលេខ1 ស្ថិតនៅភូមិតាឡែកថ្មី ឃុំសាលាវិស័យ ស្រុកប្រាសាទបល្ល័ង្គ ខេត្តកំពង់ធំ ដោយមានការចូលរួម ពី លោក សុខ លូ អភិបាលនៃគណៈអភបាលិខេត្តកំពង់ធំ លោក ឈុន ឈន់ ប្រធានក្រុមប្រឹក្សាខេត្ត និង អភិបាលរងខេត្ត ប្រធាន អនុប្រធានមន្ទីរ ជុំវិញខេត្ត លោកគ្រូអ្នកគ្រូ សិស្សានុសិស្ស បងប្អូនប្រជាពលរដ្ន និងកងកំលាំងសមត្ថកិច្ចទាំង3ប្រភេទ។
លោក សុខ លូ អភិបាលខេត្តកំពង់ធំ បានមានប្រសាសន៍ក្នុងពិធីបុណ្ រុក្ខាទិវា9កក្ដដាថា លោក មិនដែលចូលរួមក្នុងការកាប់បំផ្លាញព្រៃឈើ ឬដឹកអនុផលព្រៃឈើទេ មានតែចូលរួមដាំដើមឈើ ដូច្នេះខ្ញុំអំពាវនាវ អោយសុំមន្រ្ដីរាជការ និងបងប្អូនប្រជាពលរដ្នទាំងអស់ បន្ទាប់ពីដាំកូនឈើ ជាង 5000ដើម នេះរួច សុំអោយជួយការពារព្រៃឈើ និងបង្រ្កាប បទល្មើសព្រៃឈើ អោយបានគ្រប់គ្នា។
ក្នុងឱកាសនោះ លោក ក៏បានផ្ដាំផ្ញើដល់ ប្រធាន អនុប្រធានសហគមន៍ការពារព្រៃឈើ និងមន្រ្ដីរដ្ឋបាលព្រៃឈើយ៉ាងច្បាស់ថា មិនត្រូវគ្រប់គ្រងព្រៃឈើបានតែមួយរយះ បន្ទាប់មកកាប់បំផ្លាញ ព្រៃឈើរួចឈូសឆាយយកដីលក់នោះទេ ៕
