បាងកក៖ កិច្ចប្រជុំរវាងប្រទេស ដើម្បីរួមគ្នាទប់ស្កាត់ការពារបទល្មើសភេរវកម្មឆ្លងដែនត្រូវបានរៀបចំធ្វើឡើងដោយគណកម្មការ ផ្លាស់ប្តូរទិន្ឋន័យបទល្មើសនានានៅតាមប្រទេស ដើម្បីជួយដល់ជនជាតិនានា ដែលកំពុងរស់នៅក្នុងប្រទេសនានា ដើម្បីរួមគ្នាចាប់ដៃគ្នាដោយពុំមានព្រំដែន ក្នុងការលុបបំបាត់ការជួញដូរមនុស្សឆ្លងដែននិងបទល្មើសផ្សេងៗ ដែលកិច្ចប្រជុំនេះ ខាងកម្ពុជា បានដឹកនាំប្រតិភូអ្នកកាសែត ទូទស្សន៍ និងគេហទំព័រ ដោយលោក សុខ សុវណ្ណ អគ្គលេខាធិការរង UMA ប្រចាំប្រទេសកម្ពុជា ។
ពិធីនេះត្រូវបានចាត់ធ្វើឡើងនៅក្នុងសណ្ឋាគារ Centra Chaeng Watthana ស្ថិតនៅក្នុងទីក្រុងបាងកក ប្រទេសថៃ ស្តីពីការផ្លាស់ប្តូររបាយការណ៏ស៊ើបអង្កេតពិសេស បទល្មើសភេរវកម្មរវាងប្រទេសDSI ដោយមានការចូលរួម២០ប្រទេស នៅរសៀល ថ្ងៃទី២៩ ខែមិថុនា ឆ្នាំ ២០១៧ ដែលកិច្ចប្រជុំនេះ បានផ្តោតទៅលើ ករណី ចោលួច ចោរប្លន់ សម្លាប់ ជួញដូរមនុស្ស ការជួញដូរគ្រឿងញៀន រួមទាំងការបោកបញ្ឆោត ដើម្បីជួយជនជាតិនីមួយៗ ដែលកំពុងតែស្នាក់នៅ និងប្រកបមុខរបរ នៅតាមប្រទេសនីមួយៗ ពិធីនេះត្រូវបានចាត់ធ្វើឡើងដោយ គណកម្មការស៊ើបអង្កេតពិសេស បទល្មើសភេរវកម្មរវាងប្រទេសDSI ។
នៅក្នុងកិច្ចពិភាក្សាផ្លាស់ប្តូរបទពិសោធន៍ បានលើកយកបញ្ហាចំនួន៣ចំនុច ទី១ បើមានបញ្ហាករណី បទល្មើសកើតឡើងនៅក្នុងប្រទេស តើត្រូវជួយគ្នាដូចម្តេច? ដើម្បីបញ្ជូនព័ត៌មានមកស្ថាប័នស៊ើបអង្កេត DSI ដើម្បីជួយអន្តរាគមន៍បានទាន់ពេលវេលា ទី២ តើត្រូវធ្វើដូចម្តេចបើប្រទះឃើញករណីមានបទល្មើស ដើម្បីបញ្ជូនរបាយការណ៍មកស្ថាប័ន DSI ទី៣ តើត្រូវចូលរួមដំណើរការជាមួយនិងស្ថាប័ន DSI ដូចម្តេច ដើម្បីការពារទប់ស្កាត់ជួយដល់ប្រជាពលរដ្ឋនៅតាមប្រទេសនីមួយៗ ។
លោក សុខ សុវណ្ណ អគ្គលេខាធិការរង UMA ប្រចាំប្រទេសកម្ពុជា បានឲ្យដឹងថា កិច្ចប្រជុំនេះបានផ្តោតទៅលើ ករណីឧក្រិដ្ឋកម្ម និងបទល្មើសឆ្លងដែន ដែលបានប្រព្រឹត្តផ្ទុយពីច្បាប់ និងការអនុវត្តច្បាប់របស់ប្រទេសនីមួយៗ ទី២ គឺបានផ្តល់អត្ថប្រយោជន៍ ការពារដល់សិទ្ធិរបស់ពលករចំណាកស្រុក និងការរឹតបន្តឹងច្បាប់ថ្មី ស្តីពីពលករ ឆ្លងដែនមកធ្វើការដោយខុសច្បាប់ និងតម្រូវឲ្យចូលមកធ្វើការងារស្របច្បាប់ ដើម្បីទទួលបានសិទ្ធិការពារស្របច្បាប់ ទី៣ កិច្ចប្រជុំនេះបានធ្វើឲ្យពលករខ្មែរទទួលបានប្រយោជន៍ និងសិទ្ធិការពារដូចជាការបោកប្រាស់ពីសំណាក់ម្ចាស់អាជីវកម្ម ការធ្វើទារុណកម្ម សម្លាប់ ការជួញដូរមនុស្ស និងការជំរិតទារប្រាក់ពីសំណាក់សមត្ថកិច្ចថៃជាដើម ។
លោក ម៉ែន ម៉ាន់ អាយុ ២៨ឆ្នាំ រស់នៅភូមិ ពងទឹក ឃុំ គោកពោ ស្រុក បូរីជលសារ ខេត្តតាកែវ មកធ្វើការកសាង ៧ឆ្នាំនៅទីក្រុងបាងកក បានរៀបរាប់ថា មុនដំបូងលោកមកតាមមេខ្យល់ មានផលពិបាក ទី១ ខ្លាចតម្រួតថៃចាប់ ទី២ គឺអត់មានសេរីភាពក្នុងការដើរហើរ និងការបញ្ចេញមតិ ទី៣ នៅពេលដែលឈឺស្កាត់ពុំទទួលបានសិទ្ធិការពារ ព្យបាលជំងឺនៅមន្ទីរពេទ្យ ទី៤គឺពេលធ្វើការមានការព្រួយបារម្មណ៍រឿងប្រាក់ថ្លៃពលកម្ម និងការគំរាមគំហែង តែក្នុងពេលនេះគឺបានធ្វើលិខិតឆ្លងដែន មានការទទួលធានាខុសត្រូវពីក្រុមហ៊ុន និងទទួលបានសិទ្ធិការពារដូចកម្មករប្រជាជនថៃស្របច្បាប់ដែរ ៕ដោយ សុផាត
