កោះកុង ៖ គ្រោះថ្នាក់ចរាចរណ៏មួយបានកើតឡើង នៅចំណុចផ្លូវបំបែកជាបួន ស្ថិតនៅក្នុងភូមិភ្ញីមាស ឃុំភ្ញីមាស ស្រុកគីរីសាគរ ខេត្តកោះកុង រវាងរថយន្តនិងម៉ូតូ បណ្តាលឲ្យជនរងគ្រោះជិះម៉ូតូស្លាប់នៅនិងកន្លែង នៅថ្ងៃទី២៧ ខែ០៦ ឆ្នាំ២០១៧ ។
ជនបង្កឈ្មោះ លូផឹង ភេទប្រុស អាយុ26ឆ្នាំ ជាជនជាតិចិនបើកបរឡានដោយខ្លួនឯង ឡានដែលជនជាតិចិនបើកពាក់ស្លាកលេខ ភ្នំពេញ 2V1137 ពណ៌ស ម៉ាកអ៊ីស៊ុយៗមួយបាំងកន្លះ
ធ្វើការនៅក្រុមហ៊ុនញ៉ូញៀន ចំណែកម៉ូតូជនរងគ្រោះម៉ាកវ៉េវពណ៏ខ្មៅពុំមានស្លាកលេខទេ។
សមត្ថកិច្ចបានសួររកប័ណ្ណបើកបរពីជនជាតិចិននោះ តែគាត់ប្រាប់ថាអត់មានប័ណ្ណបើកបរទេ ហើយប៉ូលិសសួរកប៉ាស្ពរ័ ជនជាតិចិននោះប្រាប់ថាប៉ាស្ពរ័នៅភ្នំពេញ។
ចំណែកអ្នករងគ្រោះដែលស្លាប់នោះមានឈ្មោះ អ៊ូន យី ភេទប្រុស អាយុ59ឆ្នាំ រស់នៅភូមិចម្លងគោ ឃុំថ្មស ស្រុកបូទុមសាគរ ខេត្តកោះកុង។ ប៉ូលិសបានប្រគល់សាកសពទៅអោយក្រុមគ្រួសាយកទៅធ្វើបុណ្យតាមប្រពៃណី។
ចំណែកឡាននិងម៉ូតូ ប៉ូលិសយកទៅរក្សាទុកនៅស្នាក់ការកូនកុក រង់ចាំការដោះស្រាយបន្តទៀត។
ដោយឡែកជនជាតិចិនឈ្មោះ លូផឹង ត្រូវនាំខ្លួនទៅអធិការដ្ឋាននគបាលកោះស្ដេច នឹងកងសាងសុំណុំរឿងបញ្ជូនទៅតុលាការចាត់ការតាមផ្លូវច្បាប់។
នៅកន្លែងកើតហេតុគ្រោះថ្នាក់ចរាចរណ៏នោះផងដែរ ប្រជាពលរដ្ឋបានរិះគន់ទៅសមត្ថកិច្ចថា ជនជាតិចិននោះបើកឡានបុកមនុស្សស្លាប់ហើយ គ្មានបណ្ណ័បើកបរទៀត ហេតុអីប៉ូលិសមិនវ៉ៃខ្នោះដៃ ទុកជនជាតិចិននោះអោយអង្គុយរំភើយ ដូចមិនមានរឿងអីកើតឡើងអញ្ចឹង នេះជាសម្ដីប្រជាពលរដ្ឋនិយាយនៅមុខប៉ូលិស។
នៅកន្លែងកើតហេតុនេះ គេឃើញមេការក្រុមហ៊ុនញូញៀនឈ្មោះ តាហួ ក៏មកដែរ ហើយជួយធ្វើការអន្តរាគមន៌ពីប៉ូលិស មិនតែប៉ុណ្ណោះមេកាចិននឹងអ្នកបកប្រែចិន មកជួបអ្នកសារព័ត៌មានប្រាប់ថា កុំអោយផ្សាយព័ត៏មានពីរឿងគ្រោះថ្នាក់ចរាចរណ៏នេះ៕ ដោយយួនឈីវ
