ខេត្តកំពង់ឆ្នាំង ៖ ប៉ុន្មានថ្ងៃចុងខែមិថុនា ឆ្នាំ២០១៧ កម្លាំងជំនាញ សហការណ៍ ជាមួយកងកម្លាំងប្រដាប់អាវុធ ចុះបង្ក្រាប បានបទល្មើសបាន ២ទៅ៣ ករណីដែរ ហើយករណីទាំងអស់នោះមិនកើតក្នុងទឹកដីខេត្តកំពង់ឆ្នាំងទេ តែវាបានឆ្លងកាត់ខេត្ត ហើយត្រូវបង្ក្រាបបានជាក់ស្ដែងនៅយប់ថ្ងៃ២២ ខែមិថុនា ឆ្នាំ២០១៧ កម្លាំងជំនាញ ព្រៃឈើបង្ក្រាប បានរថយន្តធុនយក្សភ្លៅ៥ ដឹកអង្កាមពីលើបង្កប់ឈើពីខាងក្រោម។
នៅថ្ងៃទី២៤ ខែមិថុនា ឆ្នាំ២០១៧ វេលាម៉ោង ៥-១០ នាទី ព្រឹកនៅត្រង់ចំណុចភូមិ ផ្សារត្រាច ឃុំស្វាយ ស្រុកសាមគ្គីមានជ័យ ខេត្តកំពង់ឆ្នាំង កំលាំងកងរាជអាវុធហត្ថខេត្ត សហការជាមួយនិងអភិរក្សសត្វព្រៃ បានចុះឃាត់រថយន្តដឹកសត្វព្រៃមួយគ្រឿងម៉ាកស្តារិច ពណ៏សំបកឪឡឹក ពាក់ស្លាកលេខ២H២១៩១ ចំណែកឯអ្នកបើកបរបានរត់គេចខ្លួនបាត់ ។
ក្នុងករណីបង្ក្រាបរថយន្តដឹកសត្វព្រៃខាងលើនេះផងដែរ សមត្តកិច្ចបានអោយដឹងថា បានដកហូតវត្ថុតាងរួមមាន៖ រថយន្ត01គ្រឿងមានពស់សង់សឿចំនួន143គីឡូ ក្រាមពស់ថ្លាន់ ចំនួន69គីឡូក្រាម អណ្តើក ចំនួន111គីឡូក្រាម។
បច្ចុប្បន្នវត្ថុតាងទាំងអស់បានប្រគល់ជូនទៅអភិរក្សសត្វព្រៃ ដើម្បីយកមករក្សាទុក និងបន្តចាត់ការតាមនិតិវិធី ច្បាប់៕
