ខេត្តកំពង់ធំ ៖ សមត្ថកិច្ចស្រុកស្ទោង ខេត្តកំពង់ធំ បានឱ្យដឹងថា សពបុរសអ្នករត់តាក់ស៊ីម្នាក់ ត្រូវបានប្រទះឃើញស្លាប់ នៅព្រឹកថ្ងៃទី២៣ ខែមិថុនា ឆ្នាំ២០១៧ ត្រង់ចំណុច ស្ពានគោល ឃុំប្រឡាយ ស្រុកស្ទោង ខេត្តកំពង់ធំ ដោយសង្ស័យជាករណីប្លន់យករថយន្ត។
ប្រភពព័ត៌មានបានឱ្យដឹងថា ជនរងគ្រោះដែលត្រូវបានប្រទះឃើញស្លាប់នោះ ត្រូវបានគេស្គាល់អត្តសញ្ញាណហើយ ឈ្មោះ ធឿន ឡារី ហៅគិរី ភេទប្រុស អាយុ៣៦ឆ្នាំ មុខរបរ រត់តាក់ស៊ីពីសៀមរាប-ភ្នំពេញ មានទីលំនៅ ផ្ទះលេខ០៩ សង្កាត់បឹងទំពន់ ខណ្ឌមានជ័យ រាជធានីភ្នំពេញ។
លោក អ៊ិត សុធា ព្រះរាជអាជ្ញាអមសាលាដំបូង ខេត្តកំពង់ធំ បានប្រាប់់អ្នកយកព៍តិមានថា ករណីឃាតកម្មសម្លាប់អ្នករត់តាក់ស៊ីនោះ មិនមែនកើតត្រង់ចំណុចស្ពានគោលនោះទេ គឺសម្លាប់ពីកន្លែងផ្សេង ហើយយកសពមកទម្លាក់ចោលទីនេះតែម្តង។
បច្ចុប្បន្ន សមត្ថកិច្ចកំពុងធ្វើពិនិត្យ និងកោសល្យវិច្ឆ័យសព និងសា្រវជ្រាវបន្តតាមនិតិវិធី ដើម្បីកំណត់មុខសញ្ញាជនដៃដល់យកមកផ្តន្ទាទោសតាមច្បាប់៕
