កណ្តាល៖ កាលពីរាត្រី ថ្ងៃទី១៧.០៦.២០១៧ វេលាម៉ោង០២:៣០នាទីរំលងអាធ្រាត្រ នៅចំណុចផ្លូវជាតិលេខ៤ ស្ថិតក្នុងភូមិត្រពាំងក្រសាំង ឃុំបែកចាន ស្រុកអង្គស្នួល ខេត្តកណ្តាល កម្លាំងមានសមត្ថកិច្ចបានឃាត់ខ្លួនជនសង្ស័យ០២នាក់ ១-ឈ្មោះ ទូច ធារ៉ា ភេទប្រុស អាយុ៤៧ឆ្នាំ ជនជាតិខែ្មរ មុខរបរបុគ្គលិកកាសែត សម្រិតព្រះ
ខែ នៅភូមិព្រែកហូរលិច សង្កាត់ព្រែកហូរ ក្រុងតាខ្មៅ ខេត្តកណ្តាល ២-ឈ្មោះ ឈឿន ឌឿ ភេទប្រុស អាយុ៣១ឆ្នាំ ជនជាតិខ្មែរ មុខរបរមិនពិតប្រាកដ នៅភូមិទឹកជា ឃុំពើក ស្រុកអង្គស្នួល ខេត្តកណ្តាល(ធ្លាប់ជាប់ពន្ធនាគារខេត្តកណ្តាល១ឆ្នាំ ពីបទជួញដូរសារធាតុញៀន)។
វត្ថុតាងរឹបអូសបាន៖ ១-ដែកអក្សរ Tសម្រាប់កាច់សោករ ម៉ូតូចំនួន០១ ២-ដង្កាប់ចំនួន០២ ៣-សោលេខ១០ ចំនួន០១ ៤-តួណឺវិស ចំនួន០១ ៥-រណាអាដែកចំនួន០១៦-អាយកូមGP៣០៨ ចំនួន០១ ៧-ទូរសព្ទ័ដៃម៉ាកTrue ចំនួន០២គ្រឿង ៨-បណ្ណសារព័ត៌មាន សម្រិតព្រះខែ ចំនួន០២សន្លឹក ៩-កាបូបស្ពាយពណ៌ខ្មៅ ចំនួន០១
១០-ម៉ូតូម៉ាកសង់តែមឆេះ សេរីចាស់ចំនួន០១គ្រឿង។
វេលាម៉ោងខាងលើ កម្លាំងជំនាញអធិការដ្ឋាននគរបាលស្រុកអង្គស្នួលល្បាត តាមបណ្តោយផ្លូវជាតិលេខ៤ ក៏ប្រទះឃើញមុខសញ្ញាសង្ស័យហើយបានហៅឲ្យឈប់ តែមិនព្រមឈប់ ជិះរត់គេច បានប្រហែល២គីឡូម៉ែត្រទើបឃាត់បាន ត្រួតពិនិត្យរកឃើញវត្ថុតាងខាងលើ។
តាមចម្លើយសារភាពរបស់ជនសង្ស័យឈ្មោះឈឿន ឌឿ ឆ្លើយថា ដែកអក្សTជារបស់ឈ្មោះទូច ធារ៉ាហើយពេលសមត្ថកិច្ចដេញ តាមឈ្មោះទូច ធារ៉ា បានប្រាប់ខ្លួនថាឲ្យជួយឆ្លើយយោងផង។
ករណីនេះ សមត្ថកិច្ចកំពុងបន្តចាត់ការតាមនីតិវិធី ៕
