បាត់ដំបង៖ សមត្ថកិច្ចជំនាញស្នងការរដ្ឋាននគរបាលខេត្តបាត់ដំបង បានចេញប្រតិបត្តិការបង្រ្កាបជាក់ស្តែង ករណីជួញដូរ និងប្រើប្រាស់សារធាតុញៀនមួយករណី នៅចំណុចភូមិតាកុយ សង្កាត់ក្តុលដូនទាវ ក្រុង និង ខេត្តបាត់ដំបង កាលពីថ្ងៃទី16/06/2017 វេលាម៉ោង15:30នាទីរសៀល។
ជាលទ្ធផលក្នុងកិច្ចប្រតិបត្តិការ សមត្ថកិច្ចជំនាញបានធ្វើការឃាត់ខ្លួន ជនសង្ស័យចំនួន02នាក់ ទី01/ ឈ្មោះ និត ស៊ីណាត់ ហៅម៉ុក ភេទប្រុស អាយុ ៣២ឆ្នាំ ស្នាក់នៅភូមិ ឃុំ កើតហេតុខាងលើ ទី02/ ឈ្មោះ ឌឿ បញ្ញា ហៅខ្មៅ ភេទប្រុស អាយុ ៣១ឆ្នាំ រស់នៅសង្កាត់ជាមួយគ្នា ។
វត្ថុតាងដកហូតមាន គ្រឿងញៀនប្រភេទក្រាមព៌ណសថ្លា ចំនួន02កូនថង់ ទម្ងន់1,45 ក្រាម រួមជាមួយទូរស័ព្ទដៃ 02 គ្រឿង និងកាបូបស្ពាយ០១ ។
បច្ចុប្បន្ន កម្លាំងជំនាញរបស់ការិយាល័យប្រឆាំងបទល្មើសគ្រឿងញៀន នៃស្នងការដ្ឋាននគបាលខេត្តបាត់ដំបង កំពុងសាកសួរយកចម្លើយ នឹងកសាង សំណុំរឿង ដើម្បីបញ្ជូនជនសង្ស័យទាំងពីរនាក់ខាងលើ ទៅសាលាដំបូងខេត្តបាត់ដំបង ដើម្បីអនុវត្តន៍តាមនីតិវិធីច្បាប់ ៕
