កោះកុង៖ កំលាំងការិយាល័យបង្ក្រាបគ្រឿងញៀនស្រុកមណ្ឌលសីមា ខេត្តកោះកុង សហការជាមួយកំលាំងការិយាល័យបង្ក្រាបគ្រឿងញៀន នៃស្នងការដ្ឋាននគរបាលខេត្ត បានចុះបង្ក្រាបគ្រឿងញៀនមួយកន្លែងស្ថិតក្នុងភូមិ2ប៉ាក់ខ្លង ឃុំប៉ាក់ខ្លង ស្រុកមណ្ឌលសីមា ខេត្តកោះកុង កាលពីវេលាម៉ោង12,30នាទី ថ្ងៃត្រង់ថ្ងៃទី16,06,2017។
សមត្ថកិច្ចឃាត់ខ្លួនជនសង្ស័យចំនួន3នាក់ ស្រី1នាក់ ប្រុស2នាក់ រួមនិងវត្ថុតាងថ្នាំញៀនមួយចំនួន។ជនសង្ស័យទី1ឈ្មោះ ខាន់ យេន ភេទស្រីអាយុ 57ឆ្នាំ ជនជាតិខ្មែរ មានទីលំនៅភូមិ2ប៉ាក់ខ្លង ឃុំប៉ាក់ខ្លង ស្រុកមណ្ឌលសីមា ខេត្តកោះកុង ទី2ឈ្មោះ សឿន តឹង ភេទប្រុស អាយុ27ឆ្នាំ ជនជាតិខ្មែរ មានទីលំនៅភូមិ2ប៉ាក់ខ្លង ឃុំប៉ាក់ខ្លង ស្រុកមណ្ឌលសីមា ខេត្តកោះកុង ជនសង្ស័យទី3ឈ្មោះ ណុះ សុះ ភេទប្រុស អាយុ25ឆ្នាំ ជនជាតិខ្មែរឥស្លាម មានទីលំនៅភូមិ2ប៉ាក់ខ្លង ឃុំប៉ាក់ខ្លង ស្រុកមណ្ឌលសីមា ខេត្តកោះកុង។សមត្ថកិច្ចកសាងសំណុំរឿងតាមនីតិវិធីច្បាប់៕
