ភ្នំពេញ៖ នៅថ្ងៃទី១២-០៦-២០១៧ វេលាម៉ោង១៦h០០នាទី ក្រោយពីបានបើកការស្រាវជ្រាវរួច កំលាំងជំនាញអធិការដ្ឋាន ប៉ុស្តិទួលសង្កែបានបើកប្រតិបត្តិការបង្រ្កាបជាក់ស្តែង ករណីជួញដូរគ្រឿងញៀន និងប្រព្រត្តិអំពើលួចកាច់ករម៉ូតូ នៅចំណុចផ្លូវរថភ្លើង ក្រុម៨ ភូមិចុងខ្សាច់ សង្កាត់ទួលសង្កែ។
ជាលទ្ធផលក្នុងកិច្ចប្រតិបត្តិការ សមត្ថកិច្ចជំនាញបានធ្វើការឃាត់ខ្លួនជនសង្ស័យចំនួន០២នាក់រួមមាន៖
១/ឈ្មោះ ទ្រី ឈិនឡុង ភេទប្រុស អាយុ២៤ឆ្នាំ ជនជាតិខ្មែរ ស្នាក់នៅផ្លូវរថភ្លើង ភូមិចុងខ្សាច់ សង្កាត់ទួលសង្កែ មុខរបរមិនពិតប្រាកដជួញដូរគ្រឿងញៀននិងលួច កាច់ករម៉ូតូ ។
២/ឈ្មោះសុទ្ធ សារ ភេទប្រុស អាយុ២២ឆ្នាំ ជនជាតិខ្មែរ ស្នាក់នៅផ្លូវរថភ្លើង ក្រុម៨ ភូមិចុងខ្សាច់ សង្កាត់ទួលសង្កែ មុខរបរមិនពិតប្រកដ ប្រើប្រាស់គ្រឿងញៀននិងលួចកាច់ករម៉ូតូ។
សំភារះដកហូតរួមមាន៖
១/ក្រាមព៌ណសថ្លាចំនួន០១កញ្ចប់។
២/ឧបករណ៍ប្រើប្រាស់គ្រឿងញៀនមួយចំនួន។
៣/ដែកសំបែតចុងស្រួចចំនូន០២ ដែកសំរាប់កាច់ករម៉ូតូ។
៤/ដាវកែឆ្នៃចំនួន០៣ដើម។
កំលាំងជំនាញរបស់អធិការដ្ឋាន បានសាកសួរយកចម្លើយ នឹងកសាងសំណុំរឿងបញ្ជូនទៅសាលាដំបូងរាជធានីភ្នំពេញដើម្បីអនុវត្តន៍តាមនីតិវិធី៕
