កោះកុង ៖ លោក ពៅ ច័ន្ធថន ប្រធានភូមិបាលស្រុកបូទុមសាគរ នឹងលោក សួន ស៊ីថា អភិបាលរងស្រុក អ្នកទាំងពីរនេះ រងការិះគន់ពីប្រជាពលរដ្ឋនៅឃុំថ្មសថា បានឃុបឃឹតបើកដៃឲ្យម្ចាស់សំណងសាង់សង់ខឿនថ្ម រំលោភយកដីអូររបស់រដ្ឋ ដែលម្ចាស់សំណង់មានឈ្មោះ ពូហ៊ី ជាអ្នកមានលុយម្នាក់នៅឃុំថ្មស។
បើតាមការអះអាងពីម្ចាស់សំណង់ឈ្មោះ ពូហ៊ី បានប្រាប់អ្នកសារព័ត៌មានថា គាត់បានប្រាប់មេឃុំ ហើយថាមេឃុំឲ្យធ្វើ នេះជាសម្ដីម្ចាស់សំណង់។ឈ្មោះ ពូហ៊ី បានបន្តថា គាត់ក៏បានប្រាប់លោក ពៅ ច័ន្ធថន ប្រធានភូមិបាលស្រុកបូទុមសាគរ នឹង លោកសួន ស៊ីថា អភិបាលរងស្រុកបូទុមសាគរ គេឲ្យនិយាយគ្នាទៅ ហើយធ្វើចុះ ពូហ៊ី បានបន្តទៀតថា លោក ពៅ ច័ន្ធថន ប្រធានភូមិបាលស្រុក លោក សួន ស៊ីថា អភិបាលរងស្រុក បានចុះមកដល់ ហើយមើលកន្លែងគាត់ធ្វើ ហើយប្រាប់ថាឲ្យធ្វើទៅ នេះជាសម្ដី ពូហ៊ី។
ចំណែកលោកម អិក គួន មេឃុំថ្មសបាននិយាយប្រាប់អ្នកសារព័តមានថា គាត់បានប្រាប់ទៅប្រធានភូមិបាលស្រុកហើយ រឿងគេយកដីអូរនោះ បើចង់សួរ សួរទៅស្រុកទៅ គាត់មិនដឹងទេ នេះជាសម្ដីលោកមេឃុំ។
ចំណែកលោក ពៅ ច័ន្ធថន ប្រធានភូមិបាលស្រុក អ្នកសារព័ត៌មានបានតេទូរស័ព្ធទៅ តែលោក ពៅ ច័ន្ធថន មិនលើកទូរស័ព្វទេ។
ចំណែកលោក សួន ស៊ីថា អភិបាលរងស្រុក អ្នកសារព័តមានតេទៅសុំការបំភ្លឺ តែទូរស័ព្វត្រូវបានជាប់រវល់។
ចំណែកលោក អន ភារៈ អភិបាលស្រុកបូទុមសាគរ បានប្រាប់តាមទូរស័ព្វថា លោកមិនឲ្យធ្វើទេដីអូរ ត្រូវតែវ៉ៃចោល។
ប្រជាពលរដ្ឋបានលើកឡើងថា មន្ត្រីជំនាញ និងស្ថាប័នពាក់ព័ន្ធទាំងអស់ សុទ្ធតែបានទទួលលាភសក្ការះពីម្ចាស់សំណង់ខាងលើ ទើបសំណង់ខឿនថ្មដ៏រឹងមាំដែលបំពានទៅលើដីអូរបស់រដ្ឋមួយនេះអាចសាងសង់បានយ៉ាងរលូនបែបនេះ។ កន្លងមកឯកឩត្តម ជា សុផារ៉ា រដ្ឋមន្ត្រីក្រសួងដែនដីនគររូបនីយ៏កម្ម សំណង់ បានដាក់បទបញ្ជា អោយមន្ត្រីទាំងអស់ទប់ស្កាត់ និងបញ្ឍប់នូវរាល់សំណង់ដែលកំពុងសាងសង់ និងចាប់ផ្តើមសាងសង់នៅលើដីចំណីអូរ ព្រែក បឹង ត្រពាំង ក៏ប៉ុន្តែនៅក្នុងទឹកដីឃុំថ្មសឃើញថា សំណង់ជាច្រើនដែលបានសង់រំលោភបំពាន និងកំពុងចាប់ផ្តើមសង់រំលោភបំពានជាបន្តបន្ទាប់ ដោយមិនមានការទប់ស្កាត់។
ប្រជាពលរដ្ឋរង់ចាំមើល សំណង់របស់អ្នកមានលុយរំលោភយកដីអូរត្រូវបានវ៉ៃចោលដែរឫទេ?ដោយយួនឈីវ
