បន្ទាយមានជ័យ ៖ ស្ត្រីវ័យកណ្តាលម្នាក់កើតជម្ងឺវង្វេងស្មារតី បានយកថ្នាំបាញ់ស្មៅមកផឹកបណ្តាលឲ្យពុលស្លាប់ពេលដែលក្រុមគ្រួរសារបញ្ជូនទៅដល់មន្ទីរពេទ្យ នៅវេលាម៉ោង៨ព្រឹក ថ្ងៃទី១១ ខែមិថុនា ឆ្នាំ២០១៧ នៅចំណុចផ្ទះជនរងគ្រោះ ក្នុងភូមិគោកតាសុខ ឃុំពន្លៃ ស្រុកភ្នំស្រុក ខេត្តបន្ទាយមានជ័យ។
លោកវរសេនីយ៍ត្រី ស៊ិន ដៀប មេបញ្ជាការមូលដ្ឋានកងរាជអាវុធហត្ថស្រុកភ្នំស្រុកបានឲ្យដឹងថា ជនរងគ្រោះមានឈ្មោះហ៊ុន សារ៉ាវ ភេទស្រី អាយុ៣៣ឆ្នាំ រស់នៅភូមិគោកតាសុខ ឃុំពន្លៃ ស្រុកភ្នំស្រុក ខេត្តបន្ទាយមានជ័យ។លោក ស៊ិន រៀន បានឲ្យដឹងទៀតថាជនរងគ្រោះពេលនៅរស់ឧស្សាហ៍វង្វេងស្មារតីហើយណាស់ហើយនៅមុនពេលកើតហេតុនោះជនរងគ្រោះបានវង្វេងស្មរតីខ្លាំងរួចបានយកថ្នាំកំចាត់ស្មៅB99និងថ្នាំបាញ់ក្រជីបយកមកផឹកមួយសន្ទុះក្រោយមកក៏ប្រកាច់បែកពពុះមាត់ក្រុមគ្រួសារបានឃើញដូច្នេះក៏ដឹកយកទៅជួយសង្គ្រោះនៅមន្ទីពេទ្យមិត្តភាព កម្ពុជា-ជប៉ុន ស្រុកមង្គលបូរី តែអកុសលពេលមកដល់មន្ទីរពេទ្យជនរងគ្រោះត្រូវបានស្លាប់បាត់បង់ជីវិតបាត់ទៅហើយ។
លោក ស៊ិន ដៀប បានឲ្យដឹងទៀតថាក្រុមគ្រួសារបានដឹកសពយកមកផ្ទះវិញដើម្បីចាត់ចែងធ្វើបុណ្យតាមប្រពៃណីហើយនៅផ្ទះសពតែម្តង៕
