កោះកុង ៖ អ្នកស្រី សុគន្ធា ប្រធានផ្សារស្រែអំបិល ស្រុកស្រែអំបិល ខេត្តកោះកុង រងការចោទប្រកាន់ពីសំណាក់អាជីវករលក់ដូរក្នុងផ្សារ នឹងប្រជាពលរដ្ឋលក់ដូរដាក់កញ្ជ្រែងល្អី ដែលពួកគាត់យកមកពីស្រែលក់បន្តិចបន្តួចថានៅតែបន្តយកលុយពីអ្នកស្រែដដែល។
តាមសម្ដីពីអ្នកលក់បាននិយាយថា ឈ្មោះចាន់នីដែលជាមេការរបស់អ្នកស្រី សុគន្ធា នៅតែបន្តយកលុយជារៀងរាល់ថ្ងៃ ពីប្រជាពលរដ្ឋលក់ដូរដាក់កញ្ជ្រែងល្អីមិនដែលខានទេ ពួកគាត់បានបន្តថា គាត់លក់ដូរសព្វថ្ងៃនេះពិបាកណាស់ លក់នៅកន្លែងបេនឡានក្នុងផ្សារ ពេលឡានចូលលើកកញ្ជ្រែងចេញ ពេលឡានចេញលើកកញ្ជ្រែងចេញម្តងទៀត លើកទៅលើកមកដូចគេលេងបឹទពួនអញ្ចឹង ហើយកន្លែងលក់សុទ្ធភក់ជ្រាំស្អុយគ្មានកន្លែងលក់ទេ។ពួកគាត់បានបន្តថា ឈ្មោះ ចាន់នី បានដើរប្រមូលលុយសូម្បីពួកគាត់លក់តែមួយកញ្ជ្រែងក៏យកលុយដែរ ហើយបើមិនឲ្យលុយទេ ដេញមិនឲ្យលក់ តែបើអត់លុយមែនទែន ពូ ចាន់នី សុំត្រីហូបនេះជាការដោះដូរ។ ពួកគាត់បានបន្តថា ពូ ចាន់នី ពេលដឹងថា អ្នកសារព័ត៏មានចុះមក មិនហ៊ានមកយកលុយទេ ពេលគេទៅបាត់មកយកលុយដដែល។
ចំណែកឈ្មោះ ចាន់នី អ្នកសារព័ត៌មានបានទៅសួរនាំពីរឿងយកលុយពីអ្នកលក់ដាក់កញ្ជ្រែង ឈ្មោះចាន់នីនិយាយថា បើមិនយកលុយខ្លះមានអីចញ្ចឹមប្រពន្ធកូន ឈ្មោះ ចាន់នី និយាយខ្លំាងៗហាក់បីដូចខឹងនឹងអ្នកសារព័ត៌មានថា អាហ្អែងក៏មានប្រពន្ធកូនដែរ អាងតែថតបង្ហោះ មិនចេះយល់គ្នា នេះជាសម្ដីឈ្មោះ ចាន់នី ដែលដើប្រមូលលុយឲ្យប្រធានផ្សារ អ្នកស្រី សុគន្ធា។
ចំណែកប្រធានផ្សារ អ្នកស្រី សុគន្ធា អ្នកសារព័ត៌មានបានទូរស័ព្វទៅសុំការបំភ្លឺ ពីការយកលុយពីអ្នកស្រែលក់បន្តិចបន្តួច ហើយសួរពីរឿងសំរាមក្នុងផ្សារ មិនមានអ្នកមកយកសំរាម អ្នកស្រី សុគន្ធា និយាយថាគាត់នឹងមកថ្ងៃសៅនេះហើយ មករៀបចំពីរឿងសំរាមក្នុងផ្សារ ដោយអ្នកស្រីមានធុរៈកូនឈឺកំពុងព្យាបាលនៅភ្នំពេញ ។
ចំណែកអាជីវកក្នុងផ្សារបាននិយាយថា សំរាមក្នុងផ្សារគរដូចភ្នំ ស្អុយពេញផ្សារ ពួកគាត់បានបង់លុយជាប្រចាំខែហើយ ហេតុអីប្រធានផ្សារមិនមកយកសំរាម ពួកគាត់បន្តថា ប្រធានផ្សារដឹងតែមកយកលុយ ហើយទៅបាត់មិនគឹតដល់ពួកគាត់ទេ។
ចំណែកម្ចាស់ឡានឈ្មោះ ផុង ដែលស៊ីឈ្នួលដឹកសំរាម ឲ្យប្រធានផ្សារឈ្មោះអ្នកស្រីអឹងសុគន្ធានោះ គាត់បាននិយាយប្រាប់អ្នកសារព័ត៌មានថា អ្នកស្រីអឹងសុគន្ធាជាប្រធានផ្សារនោះ ជំពាក់លុយថ្លែដឹកសំរាមរយៈពេល4ខែហើយ គឹតជាលុយចំនួន6400000រៀល(ប្រាំមួយលានសែសឹបម៉ីនរៀល)។
ប្រជាពលរដ្ឋរិះគន់ថា ប្រធានផ្សារស្រែអំបិល ឲ្យមេការឈ្មោះ ចាន់នី យកលុយពីអ្នកស្រែដាក់លក់តាមកញ្រ្ជែងល្អី គឺមិនស្ដាប់សម្ដីសម្ដេចហ៊ុនសែនទេ ដែលសម្តេចបានបញ្ជាឲ្យប្រធានផ្សារទូទាំងប្រទេស មិនត្រូវយកលុយពីប្រជាពលរដ្ឋក្រីក្រ តែអ្នកស្រីប្រធានផ្សារស្រែអំបិលមិនស្ដាប់សោះ។
ប្រជាពលរដ្ឋសូមឲ្យលោក ប៊ុនលើត អភិបាលខេត្តកោះកុង ជួយអន្តរាគមន៏ទៅលើប្រធាផ្សារស្រែអំបិល កុំឲ្យយកលុយពីប្រជាពលរដ្ឋក្រីក្រលក់តាមកញ្រ្ជែងល្អីផង។ ដោយៈយួនឈីវ
