កីឡា ៖ ក្លិបបិសាចក្រហម Manchester United ត្រូវបានគេរាយការណ៍ថា គ្រោងនឹងបើកការដេញថ្លៃបំបែកកំណត់ត្រាពិភពលោក១៥៧លានផោនដើម្បីនាំយកខ្សែប្រយុទ្ធរបស់ក្លិប Real Madrid កីឡាករ Cristiano Ronaldo ត្រឡប់មកកាន់ទឹកដី Old Trafford វិញនៅរដូវក្តៅនេះ។
កីឡាករវ័យ៣២ ឆ្នាំរូបនេះបានជួយឲ្យក្រុមរបស់លោកឈ្នះពាន Champions League ២រដូវកាលជាប់គ្នាព្រមទាំងជើងឯក La Liga បន្ទាប់ពី Ronaldo បានស៊ុតបំបែកនៅកំណត់ត្រា៤០០គ្រាប់ជាលើដំបូងក្នុងរយៈពេល៥៩ឆ្នាំសម្រាប់ក្រុមយក្សអេស្ប៉ាញមួយនេះ។
យោងតាមកាសែតព័រទុយហ្គាល់A Bola today បានអះអាងថា ក្លិបបិសាចក្រហម បានត្រៀមខ្លួនរួចជាស្រេចសម្រាប់ការផ្តល់ជូននូវតម្លៃ១៨០លានអឺរ៉ូយ (១៥៧លានផោន) ក្នុងនាំយកអតីតកីឡាកររបស់ខ្លួននៅរដូវក្តៅនេះដែលស្ថិតក្រោមការដឹកនាំរបស់អតីតបង្វឹក Real Madrid លោក Jose Mourinho ។
កាសែតដដែលបានអះអាងថាក្រុមដែលហ៊ានចំណាយប្រាក់ច្រើនដូចជា Paris Saint-Germain និង Monaco របស់ បារាំង ព្រមទាំង ក្លិបជាច្រើននៅក្នុងក្របខ័ណ្ឌ Chinese Super League ប៉ុន្តែវាត្រូវបានលោក Florentino Perez ប្រធានក្លឹប Real Madrid បដិសេធ ។
យ៉ាងណាមិញ Ronaldo បានចុះហត្ថលេខាលើកិច្ចសន្យាថ្មីកាលពីខែវិច្ឆិកាដើម្បីរក្សាគាត់នៅក្នុងរដ្ឋធានីអេស្ប៉ាញរហូតដល់ឆ្នាំ ២០២១ ហើយលោក Perez និយាយថា បើទោះបីមានការដេញថ្លៃដល់១ពាន់លានផោនក៏មិនអាចបញ្ចុះបញ្ចូលគាត់ឲ្យលក់កីឡាកររូបនេះបានដែរ ។
គួរបញ្ជាក់ថា Ronaldo បានចាកចេញពីMan Utd ផ្លាស់មកកាន់ Real Madrid ក្នុងឆ្នាំ ២០០៩ ក្នុងតម្លៃកំណត់ត្រាពិភពលោក ៨០លានផោន៕