រតនគីរី៖ កាលពីថ្ងៃទី២៣ ខែឧសភា ឆ្នាំ២០១៧ ប៉ូលីសខេត្តរតនគិរីបានឃាត់ខ្លួនកម្មករលាងឡានម្នាក់ ពាក់ព័ន្ធករណីសម្លាប់មនុស្សនៅស្រុកបរកែវ។ជនសង្ស័យមានឈ្មោះ សុខ ភ័ក្រ ភេទប្រុស អាយុ១៨ឆ្នាំ ជនជាតិគ្រឹង មុនចាប់ខ្លួន មានមុខរបរលាងឡាននៅមហាសាល ស្ថិតនៅភូមិជ័យជំនះ សង្កាត់ឡានបានសៀក ក្រុងបានលុង ខេត្តរតនគិរី។
មន្រ្តីប៉ូលិសស្រុកបរកែវបានឧិ្យដឹងថា កាលពីថ្ងៃទី២១ ខែឧសភា ឆ្នាំ២០១៧ ជនសង្ស័យដែលមានឈ្មោះដូចខាងលើ រួមនិងបក្ខពួកបានព្រួតគ្នាវាយបុរសពីរនាក់ នៅភូមិបាណុល ឃុំទីងចាក់ បណ្ដាលឧិ្យរបួសធ្ងន់ ហើយម្នាក់បានស្លាប់ នៅតាមផ្លូវ ខណ:ពេលបញ្ជូនទៅសង្រ្គោះនៅពេទ្យភ្នំពេញ។
មន្ត្រីប៉ូលិសបានឧិ្យដឹងទៀតថា ក្រោយបង្កជម្លោះ ជនបង្កបានរត់គេចខ្លួនបាត់ ប៉ុន្ដែនៅថ្ងៃទី២៣ ខែឧសភានេះ ប៉ូលីសបានដឹងថា ជនសង្ស័យជាកម្មករលាងឡាននៅមហាសាលក្នុងក្រុងបានលុង។ពេលនោះប៉ូលិសស្រុកបរកែវ បានឆ្លងយោបល់ទៅព្រះរាជអាជ្ញាខេត្ដ រួចសហការជាមួយកម្លាំងប៉ូលិសក្រុងបានលុង បានចុះទៅចាប់ខ្លួន បញ្ជូនទៅម្ចាស់ករណី គឺប៉ូលីសស្រុកបរកែវ ដើម្បីបង្កសំណុំរឿងទៅតុលាការចាត់ការបន្ដ សូមកុំភ្លេចថា ជុងមិនដែលភ្លេចកុកទេ មានតែកុកទេដែលភ្លេចជុងនោះ៕
