ខេត្តរតនគិរី៖ នៅវេលាម៉ោង៩នឹង៣០នាទី ព្រឹកថ្ងៃទី២១ ខែឧសភា ឆ្នាំ២០១៧ សមត្ថកិច្ចជំនាញរដ្ឋបាលព្រៃឈើខណ្ឌបានចាប់រថយន្ត តូរីស១ គ្រឿងដឹកឈើប្រណិតចេញពីក្រុងបានលុង ឆ្ពោះទៅកាន់ប្រទេសវៀតណាម តាមច្រកទ្វារអន្តរជាតិអូរយ៉ាដាវ តាមបណ្តោយផ្លូវជាតិលេខ៧៨ ត្រង់ចំណុចទួលអូរត្រាវ ស្ថិតនៅភូមិភ្នំ សង្កាត់យក្ខឡោម ក្រុងបានលុង ចំណែកអ្នកបើកបររថយន្តដឹកឈើប្រណិត បានបឹទសាប៊ូគូទរត់បាត់ សមត្ថកិច្ចមិនបានឃាត់ខ្លួននោះទេ។
តាមការឲ្យដឹងពីលោក កែប កត់ នាយខណ្ឌរដ្ឋបាលព្រៃឈើបានឲ្យដឹងថា កម្លាំងរដ្ឋបាលព្រៃឈើខេត្ត សហការជាមួយកម្លាំងអាវុធហត្ថក្រុងបានលុង ធ្វើការស្ទាក់ចាប់បាន រថយន្តតូរីស១គ្រឿងដឹកឈើប្រណិតទៅប្រទេសវៀតណាម។
លោកបានបន្តទៀតថា រថយន្តតូរីស១គ្រឿងនេះ បានអូសយកមករក្សាទុកនៅខណ្ឌរដ្ឋបាលព្រៃឈើ លុះព្រឹកឡើងថ្ងៃចន្ទ័ ទី២២ ខែឧសភា ឆ្នាំ២០១៧ ដើម្បីធ្វើការវាស់វែងនឹងរាប់ចំនួនដុំ ជាក់ស្តែង។
គួរបញ្ជាក់ផងដែរថា ការចាប់រថយន្តតូរីសដឹកឈើប្រណិត១គ្រឿងនេះ ត្រូវបានប្រជាពលរដ្ឋ រិះគន់ថា មានការសង្ស័យមិនត្រូវរ៉ូវគ្នា ទើបធ្វើការបង្ក្រាបយ៉ាងតក់ក្រហល់ដូច្នេះ ចុះចំណែករថយន្តរាប់រយគ្រឿងផ្សេងទៀត ម៉េចក៏ សមត្ថកិច្ចមិនខំបង្ក្រាបផងទៅ ឃើញដឹកឈើចេញទៅស្រុកយួន ឲ្យរពុយដូចក្តាមចេញពីរន្ធ?៕
