ខេត្តឧត្តរមានជយ័៖ព្រូនិងតៃកុងរថយន្ដដឹកឈើខុសច្បាប់ ត្រូវបានសមត្ថកិច្ចចម្រុះស្រុកអន្លង់វែង ខេត្តឧត្តរមានជ័យ វ៉ៃខ្នោះដៃ ក្រោយពីពួកគេទាំងពីនាក់បានប៉ុនប៉ងបុកកំទេចរថយន្ដសមត្ថកិច្ច និងប៉ុនប៉ងសម្លាប់ រួចព្យាយាមបើករត់គេច ប៉ុន្តែបានតែ២០នាទីត្រូវដោះលែងវិញ។
ហេតុការណ៍នេះបានកើតឡើងនៅវេលាម៉ោង10យប់ថ្ងៃទី17 ឧសភា ឆ្នាំ2017 ស្ថិតនៅលើកំណាត់ផ្លូវជាតិ174 ពីស្រុកអន្លង់វែងទៅខេត្តឧត្តរមានជ័យ ស្ថិតក្នុងភូមិអភិវឌ្ឍន៍ឃុំអន្លង់វែង ស្រុកអន្លង់វែង។បើតាមការអោយដឹងពីសមត្ថកិច្ចថា ក្រោយពីទទួលបានសេច្ចក្ដីរាយការណ៍មកថា មានរថយន្ដម៉ាកយីឌុបចំនួន3គ្រឿងពណ៌ទឹកប៊ឹចអត់ស្លាកលេខ មានផ្ទុកបទល្មើសប្រភេទឈើក្រហមអត់ច្បាប់ចំនួនបីរថយន្ដម៉ាកយីឌុប ពេលមកជិតដល់កន្លែងកើតហេតុពួកគាត់បានស្ទាក់រថយន្ដបានតែមួយគ្រឿងតែប៉ុណ្ណោះ រីឯពីរគ្រឿងផ្សេងទៀត បានបើករត់គេចបាត់ស្រមោល។
ពេលសមត្ថកិច្ចជាច្រើនស្ថាប័ននាំគ្នាប្រដេញស្ទាក់ ក៍ត្រូវបានរថយន្ដដឹកឈើបុកពីក្រោយ ទើបសមត្ថកិច្ចឃាត់ខ្លួនតៃកុងនិងវាយខ្នោះតែម្ដង។តែក្រោយពីការឃាត់បាន20នាទី ក៏ត្រូវបានដោះលែងវិញ ពីព្រោះមានអ្នកមានអំណាចធំៗនៅក្នុងខេត្តជួយអន្តរាគមន៍ ដោយមេឈ្មួញថាមេៗធំៗនៅក្នុងខេត្តឧត្តរមានជ័យទាំងមូល គេបានប្រាប់រួចរាល់អស់ទៅហើយ មិនអាចរំលងបានឡើយ។
គូរបញ្ជាក់ផងដែរថានៅ ក្នុងខេត្តឧត្តរមានជយ័សព្វថ្ងៃ សកម្មភាពបទល្មើសព្រៃឈើបានកើតឡើងយ៉ាងគគ្រឹកគគ្រេង ហើយល្បីថាសុទ្ធសឹងអ្នកមានអំណាចគ្រាក់ៗនៅពីក្រោយខ្នង ទាំងអស់អ្នកណាក៍មិនហ៊ានប៉ះពាល់ដែរ។ក្នុងនោះគេតែងតែសង្កេតឃើញដូចជាបទល្មើសក្រញូងនិងឈើក្រហមជាដើម។ដោយសព្ទថ្ងៃ សមត្ថកិច្ចនិងសមត្ថកិច្ចជំនាញក៍ដូចជាអាជ្ញាធរស្រុកខេត្តមួយចំនួន អសកម្មក្នុងការអនុវត្តច្បាប់ស្ដីអំពីព្រៃឈើនេះតែម្ដង ពោលគឺត្រូវថ្នាំសណ្តំក្រុមឈ្មួញអស់ទៅហើយ។
លោក សូត ស៊ីសុខឃៀង ប្រធានមន្ទីកសិកម្មខេត្តឧត្តរមានជយ័បានអោយបណ្តាញពត័មានដឹងថា លោកមិនបានដឹងរឿងអ្វីទេ ទោះជាលោកខនខែម នាយសង្កាត់រដ្ឋបាលព្រៃឈើស្រុកអន្លង់វែងកាក់ជាប់ក៍ដោយ លោកថាអ្នកណាធ្វើអ្នកនោះទទួលខុសត្រូវដោយខ្លួនឯង៕
