ខេត្តឧត្តរមានជយ័៖ នៅថ្ងៃទី17 ខែឧសភា ឆ្នាំ2017ក្រោយពីមានការបែកធ្លាយរឿងមេឈ្មួញនាំធ្យូងឆ្លងដែនទៅលក់អោយក្រុមហ៊ុននៅប្រទេសថៃ តាមច្រកទ្វារអន្តរជាតិអូស្មាច់ ជាអ្នកមានអំណាចហើយយកឈ្មោះបក្សទៅប្រើ ឯកឧត្តម សរ ថាវី អភិបាលនៃគណះអភិបាលខេត្តឧត្តរមានជយ័ បានចេញបទបញ្ជាអោយបិទជាបន្ទាន់ តែមិនទាន់ដឹងថា មានប្រសិទ្ធភាពរឺយ៉ាងណានោះទេ ពីព្រោះឈ្មួញរូបនោះបានធ្វើសកម្មភាពច្រើនឆ្នាំមកហើយ។
មេឈ្មួញប្រមូលទិញធ្យូងឆ្លងដែន លក់អោយក្រុមហ៊ុនថៃ ត្រូវបានគេស្គាល់ឈ្មោះលោកវរះសេនីយ៏ឯក កែវ ថាណាក់ និងប្រពន្ធឈ្មោះចែធំ។
សមត្ថកិច្ចបានអោយដឹងថាសព្វថ្ងៃនេះ ឈ្មួញពីរនាក់ប្ដីប្រពន្ធខាងលើ កំពុងធ្វើសកម្មភាពប្រមូលទិញធ្យូង រហូតដល់ទៅពីរខេត្តឯណោះ គឺក្នុងស្រុកវ៉ារិនខេត្តសៀមរាប និងទូទាំងស្រុកទាំងប្រាំនៅខេត្តឧត្តរមានជ័យ។សមត្ថកិច្ចតូចតាចម្នាក់បានលួចខ្សឹបថាលោកមិនហ៊ានប៉ះពាល់ទេ ព្រោះសួរទៅគេថាយកទៅជួយបក្ស ដោយមានលោកនេះលោកនោះនៅពីក្រោយខ្នង។
ឯកឧត្តម សរ ថាវី អភិបាលនៃគណះអភិបាលខេត្តឧត្តរមានជ័យបានអោយដឹងថា លោកនិងបិទសកម្មភាពនាំធ្យូងឆ្លងដែននេះភ្លាម ពីព្រោះគេធ្វើគេជាអ្នកទទួលផល រីឯរូបលោកបានតែរឿងតែប៉ុណ្ណោះ៕
