កោះកុង ៖ ប្រជាពលរដ្ឋរស់នៅក្នុងភូមិ នេសាទ ឃុំជ្រោយស្វាយ ស្រុកស្រែអំបិល ខេត្តកោះកុង បានរិះគន់ថា លោក ព្រំ នន មេឃុំជ្រោយស្វាយ ទើបតែឡើងថ្មី បានជាងមួយឆ្នាំហើយ មិនបានគឹតគូរទុក្ខលំបាកដល់ពួកគាត់ទេ មិនតែប៉ុណ្ណោះ បានបើកដៃឲ្យឈ្មួញរកស៊ីដឹកគ្រឿងសំណង់ យកឡានធំៗ ដឹកគ្រឿងសំណង់លើសទម្ងន់ ឆ្លងកាត់ស្ពានឈើដ៌តូចមួយ បណ្តាលឲ្យបាក់ ដោយ ពួកគាត់បានបន្តថា ស្ពានឈើមួយនេះពួកគាត់បានសហការគ្នាក្នុងភូមិ នាំគ្នាធ្វើស្ពានឈើ ឆ្លងកាត់ព្រែក នេសាទនេះជាយូរឆ្នាំមកហើយ សំរាប់តែម៉ូតូនឹងកូនឡានតូចៗឆ្លងកាត់ទេ ហើយពួកគាត់បានដាក់ផ្លាកហាមឃាត់ឡានធំៗឆ្លង និងបានដាក់ផ្លាកថា សូមប្រយត្ន័ស្ពានបាក់ តែពួកឈ្មួញរកស៊ីដឹកគ្រឿងសំណង់ នូវតែយកឡានធំៗឋ ដឹកគ្រឿងសំណង់លើសទម្ងន់ ឆ្លងកាត់ ស្ពានឈើដ៌តូចមួយនេះ ដោយអាជ្ញាធរឃុំមិនខ្វល់ទប់ស្កាត់ ទើបបណ្តាលឲ្យបាក់ស្ពាន។
គួររំលឹកថា កាលពីថ្ងៃទី១៤ ខែឧសភា ឆ្នាំ២០១៧ រថយន្តមួយគ្រឿងទម្ងន់បីតោនកន្លះ ពាក់ស្លាកលេខ3A3562 ដឹកគ្រឿងសំណង់លើសទម្ងន់ បណ្តាលឲ្យបាក់ស្ពាន កកស្ទះចរាចរណ៏រហូតដល់ថ្ងៃទី១៥ ខែឧសភា ទើបស្ទូចយកចេញបាន។
ចំណែកម្ចាស់ឡានដឹកគ្រឿងសំណង់ដែលបានធ្វើឲ្យស្ពានបាក់នោះ មានឈ្មោះលី យី ភេទប្រុស អាយុ35ឆ្នាំ រស់នៅភូមិត្រពាំង ឃុំស្រែអំបិល ស្រុកស្រែអំបិល ខេត្តកោះកុង ហើយជាម្ចាស់លក់គ្រឿងសំណង់ផងដែរ។
ចំណែលោក ខេង ឃង ជាមេភូមិនៅភូមិនេសាទ បាននិយាយប្រាប់អ្នកសារព័ត៌មាន នៅកន្លែងកើតហេតុនោះថា គាត់ត្រូវឲ្យម្ចាស់ឡានដឹកគ្រឿងសំណង់នេះ ធ្វើស្ពានសងទាំងស្រុងរាល់ការបាក់ខូចខាតទាំងអស់។
នៅពេលនោះដែរ ម្ចាស់ឡានឈ្មោះ លី យី បាននិយាយប្រាប់អ្នកសារព័ត៌មានថា គាត់នឹងធ្វើស្ពាននេះសងទាំងអស់វិញរាល់ការខូចខាត។
ចំណែក លោក ព្រំនន មេឃុំជ្រោយស្វាយនៅទីនោះដែរ តែពេលឃើញអ្នកសារព័ត៌មានកំពុងតែផ្ដិតយករូបភាព លោកមេឃុំជ្រោយស្វាយ ឡើងម៉ូតូជិះទៅបាត់ ហើយអ្នកសារព័ត៌មាន បានព្យាយាមទូរស័ព្ធ សុំការបំភ្លីពីរឿងស្ពានបាក់ តែទូរស័ព្ធរបស់លោកមេឃុំត្រូវបានបឹទបាត់។
នៅកន្លែងកើតហេតុនោះ មានកម្លាំងប៉ុស្តិជ្រោយស្វាយ3នាក់ នឹងប្រជាការពារភូមិម្នាក់ ដឹកនាំកំម្លាំងដោយ លោក នួន ណារត្ន័ ជាមេប៉ុស្ដី ស្ដីទី។ដោយ យួន ឈីវ
