ពេលថ្មីៗនេះ លោកស្រី Waters សមាជិកគណបក្សបៃតង នៅក្នុងសភាអូស្ត្រាលី បានឲ្យកូនស្រី អាយុ២ខែ បៅពេលកំពុងប្រជុំនៅថ្ងៃទី៩ ខែឧសភា ឆ្នាំ២០១៧។
កាលពីឆ្នាំ២០១៦ ទាំងព្រិទ្ធសភា និងរដ្ឋសភាអូស្ត្រាលី បានយល់ព្រម ឲ្យស្ត្រីដែលមានកូន ឲ្យបៅបាន ពេលកំពុងតែធ្វើការនៅក្នុងស្ថាប័នកំពូលទាំងពីរ។ កាលពីឆ្នាំ២០០៣ អ្នកនយោបាយអូស្ត្រាលី ទទួលបានច្បាប់អនុញ្ញាត្តិឲ្យកូនបៅដោះខាងលើហើយ ប៉ុន្តែមិនទាន់មាន តំណាងរាស្ត្រណាម្នាក់ឲ្យកូនបៅនោះឡើយ ទើបតែពេលនេះមានតំណាងរាស្ត្រ មួយរូបឲ្យកូនបៅ។
លោកស្រី Waters បញ្ចាក់នៅលើបណ្តាញសង្គមរបស់ខ្លួនថា «យើង ត្រូវការឲ្យមានស្ត្រី ច្រើនជាងនេះនៅក្នុងសភា ហើយយើងត្រូវការកន្លែងធ្វើការ ដែលមានភាពស្និទស្នាលបែបនេះ។
សារព័ត៌មាន Sky News បានដកស្រង់សម្តី តំណាងរាស្ត្រ Katy Gallagher បញ្ចាក់ថា «ស្ត្រីនៅក្នុងសភា ព្រឹទ្ធសភាលើពិភពលោកគឺបានធ្វើរឿងនេះ ។ ស្ត្រី ដែលបង្កើតកូន អ្វីដែលពួកគាត់ចង់បាននោះគឺ ធ្វើការបណ្តើរឲ្យកូនបៅបណ្តើរ គឺជារឿងមួយដ៏ល្អ យើងទាំងអស់គ្នា ក៏ត្រូវគោរពនៅរឿងនោះដែរ។
ឲ្យកូនបៅគឺជាបញ្ហាវិវាទមួយនៅក្នុងសភា លើពិភពលោក ។កាលពីឆ្នាំ២០១៦ តំណាងរាស្ត្រអេស្បាញមួយរូបបានឲ្យកូនបៅ ទទួលរងការរិះគន់យ៉ាងខ្លាំង ហើយក៏មានពលរដ្ឋជាច្រើន សរសើរផងដែរ។ កាលពីឆ្នាំ២០១៥ តំណាងរាស្ត្រក៏បានឲ្យកូនបៅពេលកំពុងតែប្រជុំដូចគ្នា ទទួលរងការរិះគន់ យ៉ាងខ្លាំងពីអ្នកនយោបាយ ប៉ុន្តែទទួលបានការគាំទ្រយ៉ាងខ្លាំង ពីបណ្តាញព័ត៌មាននានាទាំងក្នុងនិងក្រៅប្រទេស៕
