ខេត្តក្រចេះ៖ ប្រជាពលរដ្ឋរស់នៅឃុំរលួសមានជ័យ ស្រុកសំបូរ ខេត្តក្រចេះ មានការព្រួយបារម្មណ៏ពីសុខភាព ដោយពួកគាត់បានប្រើប្រាស់ទឹកអូរ ដែលមានសុទ្ធតែអាចម៏រណា ប៉ះពាល់ដលសុខភាពនិងបរិស្ថានយ៉ាងធ្ងន់ធ្ងរ។
ប្រជាពលរដ្ឋឲ្យដឹងថា នៅឃុំរលួស មានរោងសិប្បកម្មកែឆ្នៃឈើសង្ស័យអត់ច្បាប់បួនកន្លែង ដាក់តាមបណ្តោយមាត់អូរ ហើយបានយកអាចម៏រណាទៅចាក់ចោលក្នុងអូរ ដែលធ្វើឲ្យប្រជាពលរដ្ឋ ដែលកំពុងប្រើប្រាស់ទឹកនៅខាងក្រោមភ័យខ្លាចកើតជំងឹផ្សេងៗ ជាពិសេសចាស់ជរានិងកុមារ ដែលកំពុងរងនូវផលប៉ះពាល់យ៉ាងធ្ងន់ធ្ងរ។
ប្រជាពលរដ្ឋសំណូមពរសុំឲ្យ លោកអភិបាលខេត្តក្រចេះ លោកអភិបាលស្រុកសំបូរ ជួយទប់ស្កាត់កុំឲ្យចាក់អាចម៏រណាចូលក្នុងអូរ បណ្តាលឲ្យកខ្វក់ទឹក ខ្វះអនាម័យនិងបរិស្ថាន ប៉ះពាល់ដល់សុខភាពប្រជាពលរដ្ឋ៕ដោយ លៀង ធាង
