កោះកុង ៖ សំណង់ផ្ទះអត់ច្បាប់មួយកន្លែង ស្ថិតនៅក្នុងភូមិថ្មស ឃុំថ្មស ស្រុកបូទុមសាគរ ខេត្តកោះកុង ដែលមានម្ចាស់ឈ្មោះ ជា សុថាវិរិទ្ធ ហៅភី បានសាងសង់នៅពីលើអូរ ហើយចាក់គ្រឺះទប់ផ្លូវទឹកអូរតែម្ដង។
ប្រជាពលរដ្ឋបានរិះគន់ ទៅលើលោក អិក គួន ជាមេឃុំថ្មស នឹងលោក ពៅ ច័ន្ទថន ជាប្រធានភូមិបាលស្រុកបូទុមសាគរ មិនគួរបណ្ដែតបណ្តោយឲ្យគេសាងសង់នៅក្នុងអូរ ដែលធ្វើឲ្យប៉ះពាល់ដល់ផ្លូវទឹកពេលភ្លៀងមកម្ដងៗ អាចនឹងជន់លិចផ្ទះប្រជាពលរដ្ឋជាច្រើនខ្នង។កន្លងមកនៅកន្លែងផ្ទះដែលសាងសង់នេះ ពេលខែវស្សាភ្លៀងមក គឺទឹកជន់លិចផ្លូវលិចផ្ទះប្រជាពលរដ្ឋជារៀងរាល់ឆ្នាំ។
ប្រជាពលរដ្ឋបានខ្សឹបប្រាប់អ្នកសារព័ត៌មានថា ម្ចាស់សាងសង់សំណង់នេះ ជាក្មួយរបស់លោកមេឃុំ
អិក គួន ទើបហ៊ានសង់ផ្ទះថ្មពីរជាន់ហើយសង់ក្នុងអូរទៀតផង។ប្រជាពលរដ្ឋឲ្យដឹងថានៅក្នុងឃុំថ្មស មន្រ្តីឃុំមានក្មួយមេឃុំពីរនាក់ ១ជាស្មៀនឃុំ ២ជាក្រុមប្រឹក្សាឃុំ។
ចំណែកប្រធានភូមិបាលស្រុកបូទុមសាគរ លោក ពៅ ច័ន្ធថន អ្នកសារព័ត៌មានបានតេទូរស័ព្វទៅសួរ ពីការសាងសង់សំណង់ របស់ឈ្មោះជា សុថាវិរិទ្ធ ហៅតី លោកបានឆ្លើយថា លោកមិនបានដឹងទេរឿងសំណង់នោះ ហើយលោកថាមកភ្នំពេញហើយ ចាំលោកទៅវិញនឹងចុះទៅមើល។
អ្នកសារព័ត៌មាន បានទៅសួរខាងបរិស្ថាន ពាក់ពន្ធ័ក្នុងការសាងសង់សំណង់នៅលើទឹកអូរ ពេលនោះលោកថា វាប៉ះពាល់ហើយ ចំាលោកទៅមើលសិន បើប៉ះពាល់លោកមិនអនុញ្ញាតឲ្យធ្វើទេ។
អ្នកសារព័ត៌មានបានតេទូរស័ព្ធទៅសួរ លោកមេឃុំ អិក គួន គាត់បានប្រាប់តាមទូរស័ព្វថា គេបានប្រាប់គាត់ហើយ គាត់ថាគេមានច្បាប់ ហើយបឹទទូរស័ព្ធភ្លាម។
ចំណែក ម្ចាស់សំណង់ ឈ្មោះ ជា សុថាវិរិទ្ធ ហៅតី បាននិយាយប្រាប់តាមទូរស័ព្ធថា លោកបានប្រាប់ មេឃុំហើយ ការសាងសង់នោះ លោក ជា សុថាវិរិទ្ធ ហៅតី និយាយថាមានអីពាក់ពន្ធ័ជាមួយអ្នកសារព័ត៌មាននោះ
លោកបន្តថា លោកឯងនេះមិនចេះយោគយល់គេ ចុះបើអត់ច្បាប់វាម៉ិច លោកឯងប្រយ័ត្នខ្លួនទៅ គ្រាន់តែធ្វើប៉ុនណឹងចេះតែមកថា នេះជាសម្ដីម្ចាស់សំណង់។
ពេលអ្នកសារព័ត៌មានទៅថតរូប មានបងថ្លៃ របស់ឈ្មោះ ជា សុថាវិរិទ្ធ ហៅតី មានឈ្មោះធឿន បានមក គំរាមថា អាហ្អែងមកថតអីនៅកន្លែងនេះ ឈ្មោះធឿន បាននិយាយអះអាងថា ជាផ្ទះរបសអញ បើហ្អែងថតមាន រឿងអី អាហ្អែងប្រយ័ត្នខ្លួនទៅ នេះជាសម្ដីឈ្មោះធឿន។
សូមឲ្យលោកប្រធានមន្រ្តីសូរិយោដីខេត្តកោះកុង ចុះត្រួតពិនិត្យមើលសំណង់សង់ពីលើអូរនេះផង បើមិនអញ្ជឹងទេសំណងអត់ច្បាប់នេះនឹងរលូនទៅមុខរហូត ដែលធ្វើឲ្យទឹកជន់លិចផ្ទះប្រជាពលរដ្ឋជិតខាងនៅរដូវវស្សា និងបឹទផ្លូវទឹកអូរ។ហើយសូមឲ្យលោកប្រធានមន្រ្តីបរិស្ថានខេត្តកោះកុង ដាក់កំម្លាំងចុះមកមើលសំណង់សង់ពីលើអូរដែលជាផ្លូវទឹកផង។
ការឃុបឃិតគ្នាអនុញ្ញាត្តឲ្យមានការសាងសង់សំណង់អត់មានច្បាប់ តែងតែដុះរាលដាលពេញឃុំថ្មស ធ្វើឲ្យបាត់បង់ថវិការរបស់រដ្ឋ ដែលបានមកពីការសាងសង់សំណង់ ដែលមានច្បាប់ត្រឹមត្រូវ។ដោយ យួន ឈីវ
