ខេត្តក្រចេះ៖ នៅថ្ងៃរទី6/5/2017 កំលាំងកងរាជអាវុធហត្ថលើផ្ទៃប្រទេសបានចុះបង្ក្រាបបានគ្រឿងចក្រឈួសដីព្រៃអត់ច្បាប់បានចំនួន៨គ្រឿង ដែលកំពុងធ្វើសកម្មភាពឈូសឆាយដីព្រៃរបស់រដ្ឋ លើផ្ទៃដីចំនួន១៤០ហិចតា នៅចំណុចតាប៉ាល់ ឃុំជ្រោយបន្ទាយ ស្រុកព្រែកប្រសព្វ ហើយបានប្រគល់ឱ្យលោក សេក ប៊ុនហេង អភិបាលស្រុក ចាត់ការបន្ត តែលោកអភិបាល បានត្រឹមតែហៅលោកហ៑ាងម្ចាស់គ្រឿងចក្រ នឹងលោកហួម្ចាស់ដីមកធ្វើកិច្ចសន្យាបញ្ឈប់តែប៉ុណ្ណោះ ដោយគ្មានធ្វើការផាកពិន័យអ្វីទាំងអស់។
ចំណុចទាំងនេះហើយ ដែលប្រជាពលរដ្ឋបានបញ្ចាក់យ៉ាងច្បាស់ថា ចាប់បានមាន់លួចស៊ីស្រូវហើយប្រគល់អោយទៅឲ្យអ្នកកាត់ទោសតើត្រូវទេ?? ពួកគាត់បន្តថា តាមពិតអាទានឹងវាស៊ីច្រើនជាងមាន់ទៅទៀត ហេតុនេះទានោះមិនអាចកាត់ទោសមាន់បានទេ ព្រោះជាចោដូចគ្នាតើមែនទេ!??
ឯរឿងឱ្យលោកអភិបាលស្រុកចាត់ការគ្រឿងចក្រនេះក៍ មិនខុសគ្នាដែរ ខ្លាកាចមិនអាចស៊ីកូនឯងនោះទេ!??
ជាក់ស្ដែងដូចកាលពីថ្ងៃទី16/02/2017/ លោកចៅហ្វាយស្រុកចាប់ឃាត់បាន៤គ្រឿងម្ដងហើយ តែដោះលែងវិញដែរ ក្រោយមកមិនចាំថ្ងៃខែចាប់បានមួយទៀតដាក់នៅមេព្រៃក៍ដោះលែងដែ ពេលនេះ៨គ្រឿងទៀតក៍ដោះលែងដែរ ហេតុនេះហើយតើថ្នាក់លើ គួរគិតឱ្យពិន្ទុយ៉ាងណាចំពោះលោកអភិបាលស្រុករូបនេះ ដែលពូកែសម្របសម្រួលយ៉ាងនេះ!!?
នៅជុំវិញការលើកឡើងទាំងនេះ អ្នកកាសែតបានសួរទៅលោអភិបាលស្រុក លោកបានបញ្ចាក់ថាពិតជាបានធ្វើកិច្ចសន្យាបញ្ឈប់ពិតប្រាកដមែន ដោយគ្មានធ្វើការផាកពិន័យអ្វីទាំងអស់ បើនៅតែឈូសលើដីអត់ប្លង់ទៀតនោះទើបចាប់ ដុច្នេះអ្នកចាប់បានតែចាប់ រួចដោះលែងដដែល៕
