ទាហានឈុតខ្មៅថៃ ចាប់បញ្ជូន ពលករខ្មែរ ឆ្លងដែនខុសច្បាប់ តាមរយះមេខ្យល់ ប្រគល់អោយ ប៉ូលីសវរៈការពារព្រំដែនគោក៨១៩ ប៉ុស្តិស្វាយចេក
បាត់ដំបង៖ នៅព្រឹកថ្ងៃទី២៥ ខែមេសា ២០១៧ កម្លាំងប៉ុស្តិតាសែន ស្រុកកំរៀង ខេត្តបាត់ដំបង ដោយមានការសហការចូលរួមពី លោកមេបញ្ជាការងវរៈ៨១៩ លោក តេះ ហួរ និងបានសហការជាមួយ កម្លាំងនគរបាលប៉ុស្តិ ស្វាយចេក ស្ថិតក្នុងឃុំបឹងរាំង ស្រុកកំរៀង និងរួមសហការជាមួយ សមត្ថកិច្ចថៃ ទាហានឈុតខ្មៅកងរយ៥២៦ បានចុះល្បាតតាមព្រំដែន បានប្រទះឃើញ ក៌ធ្វើការឃាត់ ពលករខ្មែរចំនួន២៤នាក់ ដែលឆ្លងដែនដោយខុសច្បាប់ តាមរយះមេខ្យល់ ។
លោកអ៊ិន កុល មេប៉ុស្តិស្វាយចេក បន្តទៀតថា ក្នុងនោះ មានស្រី០៨នាក់ កូនក្មេង ៦នាក់ និងប្រុសចំនួន១០ នាក់ ក្រោយពីបានឃាត់ខ្លួន ពលករខ្មែរខាងលើ មេខ្យល់ដែលនាំផ្លូវ បាន រត់គេចខ្លួនបាត់។
សមត្ថកិច្ចថៃបាន ប្រគល់ពលករខ្មែរ មកអោយខាង ប៉ូលីសវរៈការពារ ព្រំដែនគោក ៨១៩ ប៉ុស្តិស្វាយចេក រួច កម្លាំងយើងបានធ្វើការអប់រំ អោយយល់អំពីគ្រោះថ្នាក់ជាយថាហេតុណាមួយ ដោយមឹនដឹងខ្លួន គ្មានអ្នក ទទួលខុសត្រូវ សុំអោយបងប្អូន ធ្វើឯកសារអោយបានត្រឹមត្រូវ ។ បន្ទាប់ពីបានធ្វើការអប់រំ ក៌អោយពូកគាត់ ត្រឡប់ទៅស្រុកកំណើតវិញ៕
