ឧត្តរមានជ័យ៖កាលពីថ្ងៃទី២២ មេសា ២០១៧ ហេតុការណ៍មួយបានកើតឡើងនៅក្នុងភូមិទំនប់លើ ឃុំត្រពាំងប្រីយ៍ ស្រុកអន្លង់វែង ខេត្តឧត្តរមានជ័យ ដោយក្រុមអ្នកយកព័តមាន៤អង្គភាព បានចុះទៅថតនូវសកម្មភាពទី
តាំងស្តុបឈើ នឹងការដឹកជញ្ជូនឈើគ្រញួង របស់ឈ្មោះខ្វៀង ធីម៉ៃ ភេទស្រីអាយុប្រមាណជាង៤០ឆ្នាំ ជាជនជាតិវៀតណាម ជាមេឈ្មួញឈើគ្រញួងធំដ៍ល្បីប្រចាំស្រុកអន្លង់វែង នឹងស្រុកត្រពាំងប្រាសាទ បានបញ្ជាកូនចៅបក្ខពួកដេញវាយអ្នកយកព័តមាន ។
ក្រុមអ្នកយកព័តមាន ដែលបក្ខពួកមេឈ្មួញឈើគ្រញួងដេញវាយនោះ ១ឈ្មោះថោងសុរ៉េត ភេទប្រុស អាយុ២៨ឆ្នាំ យកព័តមានឱ្យកាសែតសុវណ្ណភូមិ ២ឈ្មោះហ៊ាន ពណ៍ភេទប្រុសអាយុ៤០ឆ្នាំអ្នកយកព័តមានឱ្យទូទស្សន៍ស្លឹករឹត ៣ឈ្មោះអឺម សុខា ភេទប្រុស អាយុ៤៩ឆ្នាំ អ្នកយកព័តមានឱ្យមតិមហាជន នឹង៤ឈ្មោះសាន់ រិន ភេទប្រុស អាយុជាង៥០ឆ្នាំ អ្នកយកព័តមានឱ្យទូទស្សន៍CPN សំណាងល្អបានគេចខ្លួនរួច ខូចខាតតែរថយន្តមួយគ្រឿង។
យោងតាមការអៈអាងពីអ្នកយកព័តមាន៤នាក់បានឱ្យដឹងថា មុនពេលកើតហេតុក្រុមខ្លួនជាអ្នកយកព័ត៍មាន បានទទួលព័ត៍មានពីប្រជាពលរដ្ឋថា មេឈ្មួញឈើឈ្មោះខ្វៀង ធីម៉ៃ ជាជនជាតិវៀតណាមនឹងបក្ខពួកកំ
ពុងដឹកជញ្ជូនឈើគ្រញួងមកស្តុបនឹងពុះជ្រៀក បំរុងដាក់ក្នុងរថយន្តដឹកចេញទៅប្រទេសវៀតណាម។
ក្រោយពីបានទទួលព័តមាននេះ ក្រុមអ្នកយកព័តមានបាននាំគ្នាទៅថតយករូបភាពស្រាប់តែមេឈ្មួញវៀតណាមរូបនេះ បានបញ្ជាកូនចៅប្រមាណ៣០នាក់ ដោយក្នុងដៃមានបំពង់ទីប ដំបង កាំបិត ចបជីក មកប៉ុនប៉ងវាយសម្លាប់ តែសំណាងល្អអ្នកយកព័តមានបានរត់គេចខ្លួនទាន់ ក្រុមនេះបានត្រឹមតែវាយរថយន្តម៉ាកកាមារីមួយគ្រឿង
ខូចខាតមួយកំណាត់ក្រោយប៉ុណ្ណោះ ហើយក្រុមអ្នកយកព័តមានទាំង៤រូបបានដាក់ពាក្យបណ្តឹង ចូលទៅព្រះរាជអាជ្ញារអមសាលាដំបូងខេត្តឧត្តរមានជ័យ ចាត់ការទៅតាមនិតិវិធីច្បាប់។
មេឈ្មួញឈើគ្រញួងឈ្មោះខ្វៀង ធីម៉ៃ នេះបានធ្វើសកម្មភាពមក
លើអ្នកសាព័ត៍មានម្តងរួចមកហើយ កាលពីអំឡុងឆ្នាំ២០១៦កន្លងមក លើសពីនោះ
ស្រ្តីរូបនេះថែមទាំងប្រមាថមាកងាយដល់ មន្រ្តីតូចតាចដែលបម្រើការងារក្នុងស្រុក អន្លង់វែង ខេត្តឧត្តរមានជ័យ
ដូចពាក្យស្លោកបានពោលថា សុខចិត្តបោះនុយទៅឱ្យត្រីឆ្តោស៊ី មិនឱ្យច្រវ៉ាស៊ី។
ចំណែកប្រជាពលរដ្ឋរស់នៅក្នុងស្រុកអន្លង់វែង បាននិយាយឱ្យដឹងថា ឈ្មួញនិងអាជ្ញាធរ ជំនាញ គ្រប់ស្ថាប័នដែលពាក់ព័ន្ធ គឺត្រូវរូវគ្នាអស់ហើយ មិនខ្វល់អ្វីឡើយ ដូច្នេះ ចង់អ្នកសារព័ត៍មាន ចុះផ្សាយអ្វីផ្សាយទៅមិនឈឺក្បាលឡើយ។
ជាចុងក្រោយ អ្នកសារព័ត៍មាន ៤ស្ថាប័ន ដែលជាជនរងគ្រោះ ដោយសារក្រុមឈ្មូញឈើខាងលើ បានដាក់ពាក្យបណ្តឹង ហើយរឿងនេះបានដល់ដៃតុលាការ សូមខាងលោក តុលាការ ខេត្តឧត្តរមានជ័យ
មេត្តាជួយចាត់ការ រកយុត្តិធម៍ ដល់ក្រុមសារព័ត៍មានទាំង៤ស្ថាប័ននេះផង ៕
