កោះកុង ៖លោក យួន ឈីវ ភ្នាក់ងារយកពត័មានកាសែតថ្ងៃនេះ និងគេហទំព័រសម្លេងសច្ចៈបានឲ្យដឹងថា អ្នកមានលុយមានអំណាចម្នាក់ឈ្មោះ ជិ ទុន ដែលជាមេការសន្តិសុខប្រចាំនៅកាស៊ីណូហាឡិកនឹងនៅកំពង់ផែ របស់ លោកឧកញ៉ា លី យុងផាត់ បានមករំលោភយកដីទាំងភ្នែកស្រស់ ក្រោយផ្ទះរបស់លោកដែលបានរស់នៅសព្វថ្ងៃ ដែលដីនេះជាដីកម្មសិទ្ធស្របច្បាប់របស់លោក។
ដីដែលឈ្មោះ ជិ ទុន រំលោភយកនោះ មានក្បាលដីទទឹង8,ម៉ែត្រ50នឹងបណ្ដោយ30ម៉ែត្រ ស្ថិតនៅក្នុងភូមិស្រែអំបិល ឃុំស្រែអំបិល ស្រុកស្រែអំបិល ខេត្តកោះកុងដែលលោកយួនឈីវបានកាន់កាប់ទាំងពីឆ្នាំ1995មកម្លេះ ហើយដីនោះលោកយួនឈីវបានធ្វើលិខិតកាន់កាប់ដីនៅឆ្នាំ2003 មានមេភូមិទទួលស្គាល់ ហើយមាន មេឃុំទទួលស្គាល់ចុះក្បាលដីលេខ 171/ម-ស-ប ហើយនឹងមានភូមិបាលស្រុកទទួលស្គាល់ចុះលេខ 097/03 ឆ្នាំ2003។
លោកយួនឈីវបានឲ្យដឹងបន្តទៀតថា គាត់បានរស់នៅ22ឆ្នាំហើយ មិនដែលឃើញ ឈ្មោះជិ ទុន នេះទេ គ្រាន់តែលឺឈ្មោះគេហៅថាតាទុនៗ ជាមេការរបស់លោកឧកញ៉ា លីយុងផាត់ តែប៉ុណ្ណោះ។
លោកយួនឈីវបានបន្តថា នៅថ្ងៃទី21 ខែមេសា ឆ្នាំ2017 លោក ដាត់ ស៊ុនលី មេឃុំស្រែអំបិល ធ្វើលិខិតអញ្ជើញរូបលោក ឲ្យចូលរួមសម្របសម្រួលបញ្ហាដីធ្លី ជាមួយឈ្មោះ ជិ ទុន លុះមកដល់ថ្ងៃទី21 ខែមេសា ឆ្នាំ2017 នៅម៉ោង2,30នាទី លោកក៏បានទៅសាលាឃុំតាមកាលកំណត់ ពេលលោក យួន ឈីវ ទៅដល់មិនឃើញមេឃុំទេ
នៅសាលាឃុំ មានតែមន្រ្តីសាលាឃុំបីនាក់ ហើយក៏ហៅឈ្មោះយួនឈីវសួរតែម្ដង ពីរឿងពាក់ពន្ធ័ដីធ្លីជាមួយឈ្មោះ ជិ ទុន។ មន្រ្តីសាលាឃុំឈ្មោះមាន ឈ្មោះតារី នឹងឈ្មោះឡានៅទីនោះ ហើយក៏បានសួនាំលោក យួន ឈីវ ដោយតារីជាមន្រ្តីឃុំបានប្រាប់ថា ឈ្មោះជិ ទុន បានប្តឹងថា ឈីវឯងយកដីរបស់ម្ដាយគេឥឡូវគេសុំមកវិញ។
លោក យួន ឈីវ បានសួរទៅតារីដែលជាមន្រ្តីសាលាឃុំថា តើ ជិ ទុន នោះមានឯកសារដាក់នៅសាលាឃុំទេ តារីថាគាត់អត់មានទេ មានតែសាក្សីទេ នេះជាសម្ដីមន្រ្តីសាលាឃុំស្រែអំបិល។
នៅព្រឹកថ្ងៃទី26 ខែមេសា ឆ្នាំ2017 ឈ្មោះ ជិ ទុន បានឲ្យកូនចៅពីរនាក់ មកកាប់ព្រៃទន្ទានយកដីដែលមិនទាន់បានដោះស្រាយរួចផង ដោយឈ្មោះ ជិ ទុន អាងខ្លួនមានលុយមានអំណាច មានខ្សែខ្នងធំនៅពីក្រោយ មករំលោភ បំពានយកដីធ្លីរបស់អ្នកក្រីក្រ ហើយយកលេសថាជាដី ម្ដាយរបស់ខ្លួនពីមុនមក។
ចំណែកម្ដាយ ជិ ទុន ទើបតែស្លាប់ពីរបីឆ្នាំនេះទេ កាលគាត់នៅរស់ គាត់មិនដែលនិយាយពីរឿងដីធ្លីនេះទេ ហើយកាលនៅរស់ គាត់មានចិត្តល្អណាស់ ចំណែកឈ្មោះ ជិ ទុន វិញអាងមានលុយមានអំណាច មកបំពានអ្នកក្រីក្រទន់ខ្សោយ មិនចេះធ្វើបុណ្យទាន បំពានយកតែឈ្នះដៃ។
លោកយួនឈីវឲ្យដឹងទៀតថាលោកនិងធ្វើការតវ៉ាទៅតាមផ្លូវច្បាប់ ពីឈ្មោះ ជិ ទុន រំលោភយកដីកម្មសិទ្ធរបស់លោក ព្រោះការដោះស្រាយដីធ្លីនៅសាលាឃុំស្រែអំបិលបឹទទ្វារ មិនមានភាគីអ្នកដើមបណ្ដឹងមកផងចេះតែដាះស្រាយដោយមិនមានមេឃុំចូលរួមដោះស្រាយដូច្នេះការឃុបឃិតគ្នារវាងមេឃុំនឹងមន្រ្តីខិលខូច រួមគំនិតជាមួយអ្នកមានលុយមានអំណាច គាបសង្កត់បឹទបាំងភ្នែកប្រជាពលរដ្ឋ ក្រីក្រស្លូតត្រង់មិនចេះចប់មិនចេះហើយ អាជ្ញាធរពុករលួយដល់ឆ្អឹង។
លោក យួន ឈីវ អំពាវនាវសូមឲ្យលោក ទួន សីលា អភិបាលស្រុកស្រែអំបិល ជួយចាត់វិធានការលើរឿងវិវាទដីធ្លីនេះផង ហើយសូមលោក ប៊ុន លើត អភិបាលខេត្តកោះកុង មេត្តាជួយដាក់កំម្លាំងជំនាញ ចុះមកដោះស្រាយជូនប្រជាពលរដ្ឋ ដែលរងការំលោភបំពាន ពីសំណាក់អ្នកមានលុយមានអំណាចឈ្មោះ ជិ ទុន នេះផង។
ជាចុងក្រោយ លោក យួន ឈីវ សូមអំពាវនាវដល់សម្ដេចតេជោ ហ៊ុន សែន ជួយរកយុត្តិធម៌អោយលោក ក្នុងនាមជាប្រជាពលរដ្ឋរងគ្រោះ និងជាអ្នកសារព័ត៌មានក្រីក្រ។
យើងពុំអាចសុំការបំភ្លឺពីលោក ជិ ទុន បានទេ ព្រោះពុំមានលេខទូស័ព្ទ៕
