ខេត្តរតនគីរី៖ ក្រុមកម្លាំងចម្រុះ របស់ខេត្តរតនគីរី ដឹកនាំកំលាំងដោយ លោកមេបញ្ជាការប៉េអឹមខេត្តគឺ លោកឧត្តមសេនីយ៏ គឹម រស្មី បានចុះចាប់ឈើ នៅភូមិតាកុកភ្នង ឃុំបរខាំ ស្រុកអូយាដាវ ខេត្តរតនះគីរី ដោយមានកម្លាំងប៉េអឹម 19នាក់ចូលរួម ដោយរឹបអូសឈើចំនួន108 កំណាត់នៅថ្ងៃទី14-04-2017 នៅវេលាម៉ោង1-20នាទី ថ្ងៃត្រង់។
ឈើខាងលើ ត្រូវបានគេសង្ស័យថាជា របស់ស្រ្តីជាឈ្មួញរកស៊ីឈើខុសច្បាប់ដុះស្លែមួយរូប ដែលមានខ្នងបង្អែកមន្ត្រីធំខេត្តចាំការពារ ហើយតាមប្រភពពីប្រជាពលរដ្ឋឲ្យដឹងថា នៅមានកំណាត់ឈើជាងបីពាន់ដុំទៀត ដែលឈ្មួញរូបនេះកំពុងសម្ងំលាក់ទុកតាមភូមិ រង់ចាំឧកាសល្អនាំចេញទៅស្រុកយួន។
ឈើចាប់បានត្រូវបានបញ្ជូនទៅបរិស្ថានខេត្តរក្សាទុក៕
