ភ្នំពេញ: សម្តេចអគ្គមហាសេនាបតីតេជោ ហ៊ុន សែន ប្រមុខដឹកនាំរាជរដ្ឋាភិបាលកម្ពុជា បានផ្ញើសារជូនជនរួមជាតិកម្ពុជាក្នុងឱកាសបុណ្យចូលឆ្នាំខ្មែរប្រពៃណីជាតិ ឆ្នាំរកា នព្វស័ក ព.ស ២៥៦១។
នៅក្នុងសារលិខិតរបបស់សម្តេចនាយករដ្ឋមន្ត្រី ហ៊ុន សែន បានឲ្យដឹងថា នៅថ្ងៃ៣រោច ថ្ងៃ៤រោច និងថ្ងៃ១៥រោច ខែចេត្រ ព.ស ២៥៦១ ត្រូវនឹងថ្ងៃសុក្រ ទី១៤ ថ្ងៃសៅរ៍ ទី១៥ និងថ្ងៃអាទិត្យ ទី១៦ ខែមេសា ឆ្នាំ២០១៧ គឺជាទិវាដ៏មមហាប្រសើរ ដែលប្រជាពលរដ្ឋខ្មែរទាំងអស់គ្នា រៀបចំពិធីអបអរសាទរបុណ្យចូលឆ្នាំថ្មី ប្រពៃណីជាតិ ឆ្នាំរកា នព្វស័ក ព.ស ២៥៦១។
ប្រកបដោយក្តីសោមនស្សរីករាយ សិរីសួស្តី និងជ័យមង្គលដ៏ឧង្តុង្គឧត្តមក្នុងក្រុមគ្រួសារ និងសង្គមជាតិទាំងមូល។នៅក្នុងឱកាសដ៏វិសេសវិសាលនេះ សម្តេចសូមចូលរួមអំណរសាទរកក្នុងទិវាបុណ្យចូលឆ្នាំថ្មីប្រពៃណីជាតិនេះ ជាមួយបងប្អូនជនរួមជាតិទាំងអស់ដែលកំពុងតែរស់នៅក្នុង និងក្រៅប្រទេសប្រកបដោយទឹកចិត្តររីករាយជ្រះថ្លា និងប្តេជ្ញាការពារថែរក្សាឲ្យបាននូវសន្តិភាព ស្ថិរភាព និងសណ្តាប់ធ្នាប់សាធារណៈជូនប្រជាជាតិទាំងមូល ដែលជាគ្រឹះដ៏រឹងមាំសម្រាប់ជីវភាពរស់នៅរបស់ប្រជាពលរដ្ឋ និងដើម្បីការអភិវឌ្ឍសេដ្ឋកកិច្ច សង្គម ប្រកបដោយចីរភាព។
សារលិខិតរបស់សម្តេចតេជោ ហ៊ុន សែន បានបន្តថា ពិធីបុណ្យចូលឆ្នាំខ្មែរប្រពៃណីជាតិ ឆ្នាំរកា នព្វស័ក ព.ស ២៥៦១ ប្រព្រឹត្តទៅក្នុងបរិយាកាសដែលព្រះរាជាណាចក្រកម្ពុជា បាននិងកំពុងរៀបចំការបោះឆ្នោតជ្រើសរើសកក្រុមប្រឹក្សាឃុំ សង្កាត់ អាណត្តិទី៤ ដែលនឹងប្រព្រឹត្តទៅនៅថ្ងៃអាទិត្យ ទី០៤ ខែមិថុនា ឆ្នាំ២០១៧ ខាងមុខ ស្របតាមការកំណត់ដែលបានចែងនៅក្នុងច្បាប់ស្តីពីការបោះឆ្នោតជ្រើសរើសកក្រុមប្រឹក្សាឃុំ សង្កាត់។
…ជាមួយគ្នានេះ សម្តេចនាយករដ្ឋមន្ត្រី ហ៊ុន សែន ក៏បានសូមថ្លែងអំណរគុណចំពោះប្រជាពលរដ្ឋខ្មែរនៅទូទាំងព្រះរាជាណាចក្រម្ពុជា ដែលមានសិទ្ធិបោះឆ្នោត ហើយដែលបានទៅចុះឈ្មោះបោះឆ្នោតរួចហើយ សូមអញ្ជើញទៅចូលរួមបោះឆ្នោតជ្រើសរើសក្រុមប្រឹក្សាឃុំ សង្កាត់ នៅថ្ងៃអាទិត្យ ទី៤ ខែមិថុនា ឆ្នាំ២០១៧ ខាងមុខឲ្យបាន គ្រប់ៗគ្នាកកុំបីខាន ដើម្បីអនុវត្តសិទ្ធិពលរដ្ឋ ក្នុងឋានៈជាម្ចាស់ជោគវាសនា នៃប្រទេសរបស់ខ្លួន។
សម្តេចតេជោ ហ៊ុន សែន បានបញ្ជាក់ថា សម្រាប់ឆ្នាំថ្មី ឆ្នាំរកា រាជរដ្ឋាភិបាល នៃព្រះរាជាណាចក្រកម្ពុជា នឹងខិតខំពុះពារគ្រប់បែបយ៉ាង ដើម្បីបន្តថែរក្សាសន្តិភាព ស្ថិរភាពនយោបាយ សន្តិសុខ និងសណ្តាប់ធ្នាប់សាធារណៈ ឲ្យបានកាន់តតែរឹងមាំ ការពាររដ្ឋធម្មនុញ្ញ ការពាររបបរាជានិយមស្របតាមបាវចនា ជាតិ សាសនា ព្រះមហាក្សត្រ និងការពាររាល់សមិទ្ធផលដែលរាជរដ្ឋាភិបាល និងប្រជាពលរដ្ឋទាំងមូលសម្រេចបានកន្លងមក។ ទន្ទឹមនេះ រាជរដ្ឋាភិបាលនឹងបន្តការធ្វើកំណែទម្រង់រដ្ឋដ៏ស៊ីជម្រៅ ក្នុងនោះមានការពង្រឹងអភិបាលកិច្ចល្អ តាមរយៈការពង្រឹងស្ថាប័នជាតិ និងថ្នាក់ក្រោមជាតិ ការធ្វើកំណែទម្រង់វិមជ្ឈការ និងវិសហមជ្ឈការ និងការប្រយុទ្ធប្រឆាំងនឹងអំពើពុករលួយ ការអភិវឌ្ឍធនធានមនុស្ស កែលម្អប្រព័ន្ធអប់រំឲ្យកាន់តែមានគុណភាពខ្ពស់ លើកកម្ពស់ប្រព័ន្ធការពារសង្គម ការលើកកម្ពស់គុណភាពសេវាសុខាភិបាល និងការកសាងហេដ្ឋារចនាសម្ព័ន្ធរូបវន្ត សំណង់ ផ្លូវ ស្ពាន ធារាសាស្ត្រ ព្រមទាំងបង្កើនប្រភពថាមពលអគ្គិសនី ដើម្បីបន្តការអភិវឌ្ឍវិស័យឧស្សាហកម្ម សិប្បកម្ម សេវាកម្ម ដឹកជញ្ជូន ពាណិជ្ជកម្ម ទេសចរណ៍ និងវិស័យកសិកម្មឲ្យកាន់តែរីកចំរើនថែមទៀត៕
