ខេត្តកោះកុង៖ ប្រភពច្បាស់ការបានអោយដឹងថា រថយន្តម៉ាកអ៊ីណូកង់10 ជារបស់លោកឧកញ៉ាគា៍រធីមួយគ្រឿង ដែលដឹកឥវ៉ាន់មកពីច្រកទ្វារអន្តរជាតិចាំយាម ឆ្លងកាត់ទីរួមខេត្តកោះកុង បានក្រឡាប់ផ្ងាជើងប្រមាណ10ម៉ែត្រពីទ្រូងផ្លូវ លើកំណាត់ផ្លូវជាតិលេខ48 ត្រង់ចំណុចគេហៅអូរម្កាក់ ស្ថិតក្នុងភូមិជីមាល ឃុំអណ្ដូងទឹក ស្រុកបូទុមសាគរ ខេត្តកោះកុង ដោយសារអ្នកបើកបរងងុយដេក គ្រោះថ្នាក់នេះបណ្តាលឲ្យតៃកុងរថយន្តរបួសធ្ងន់ ព្រូឡានរបួសស្រាល រថយន្តក្រឡាប់នៅម៉ោង5,30នាទីទៀបភ្លី ថ្ងៃទី13,3,2017 បានក្រឡាប់ផ្ងារជើងប្រមាណ10ម៉ែត្រ ពីទ្រូងផ្លូវលើកំណាត់ផ្លូវជាតិលេខ48 ត្រង់ចំណុចគេហៅអូរម្កាក់ ស្ថិតក្នុងភូមិជីមាល ឃុំអណ្ដូងទឹក ស្រុកបូទុមសាគរ។
តាមប្រភពពលរដ្ឋបានអោយដឹងថា ឡានក្រឡាប់នោះ ធ្លាយចេញសុទ្ធតែឡេលាបស្បែក ជាប្រភេទទំនិញបង់ពន្ធ ដែលមានតំលៃខ្ពស់ ហើយរួមមានគោជល់ ស្ករគ្រាប់និងសម្ភារៈជាច្រើនទៀត ដែលគេសង្សយ័ថាជាទំនិញគេចពន្ធ។
តាមប្រភពបានបន្តថា ទំនិញទាំងអស់នោះ ខូចខាតជាងពាក់កណ្ដាលក្នុងមុខទំនិញនីមួយៗ ទំនិញទាំងនោះមានទំងន់សរុបប្រមាណជាង30តោន។
តាមការនិយាយពីប្រភពខាងក្រៅបានអោយដឹងថា ឥវ៉ាន់ដែលនៅក្នុងឡានក្រឡាប់នោះ បើគឹត ជាទឹកប្រាក់ប្រហែលជាជាង10ម៉ីនដូល្លា។
តាមប្រភពពីប្រជាពលរដ្ឋបាននិយាយទៀតថា ឡានលោកឧកញ៉ាគ៍ារធី ឧស្សាហ៏រត់ទៅលាក់ខ្លួននៅម្ដុំភូមិជីត្រះជាច្រើនគ្រឿង ហើយពេលយប់ទើបចេញទៅភ្នំពេញ ហើយឡានធំៗនេះទាល់តែក្រឡាប់ ទើបឃើញឥវ៉ាន់គេចពន្ធ អញ្ជឹងហើយទើបគេរកស៊ីឆាប់មានបានឡើងងារជាឧកញ៉ា។
ចំណែកលោកគយជជុះដាក់កុងត្រូល នៅប្រចាំលើផ្លូវជាតិលេខ48 ត្រង់ចំណុចជិតសាលាឃុំអណ្ដូងទឹក ស្ថិតក្នុងភូមិជីមាល ដែលនៅចាំយកលុយពីឡានដឹកទំនិញគ្រប់ប្រភេទនោះ ពេលឡានលោកឧកញ៉ាគា៍រធី ក្រឡាប់ក្អួតចេញឡេលាបស្បែក ដែលមានអាត្រាពន្ធខ្ពស់ នឹងទំនិញផ្សេងទៀត មិនហ៊ានទៅអើតមុខមើលទេ ព្រោះខ្លាចអំណាចលោកឧកញ៉ា។
ចំណែកលោកឧញ៉ាគារធី អ្នកសារព័ត៌មានមិនអាចទំនាក់ទំនងសុំការបំភ្លឺបានទេ ដោយទូរស័ព្វលោកមិនមានអ្នកលើក។ដោយ យូន ឈីវ
